देहूरॊड, (वार्ताहर) – छत्रपती श्री शिवाजी महाराज यांची जयंती देहूरोड परिसरात विविध सामजिक उपक्रमांनी आनंदी आणि उत्साही वातावरणात साजरी करण्यात आली. या वेळी साहसी खेळाची प्रात्यक्षीके, जिवंत देखावे, ढोल, ताशा पथकाचा खणखणाट होता. देहूरोड येथील शिवस्मारक समिती व शिवजयंती महोत्सव समिती यांच्या सयुंक्त विद्यमाने छत्रपती शिवाजी महाराज यांचा ३९४ जयंती सोहळा साजरा करण्यात आला. श्री दत्त मंदिर येथे शिव मूर्तीस गुरुमीतसिंग रत्तू, देवा कांबळे, विजय पवार, डॉ. राजेंद्र येळवंडे यांच्या हस्ते महाभिषेक व पूजा करण्यात आली. शिवस्मारक येथे ईश्वर अग्रवाल आणि समितीचे अध्यक्ष हिरामण साळुंखे यांच्या हस्ते अभिषेक करण्यात आला. भरत नायडू, शिवाजी दाभोळे यांनी छत्रपती शिवाजी महाराजांच्या पुतळ्यास पुष्पहार अर्पण केला. चौकातील सुभाषचंद्र बोस यांच्या पुतळ्यास तुषार तरस यांनी पुष्पहार अर्पण केला. सायंकाळी घोडेस्वार, मावळ्यांचे पथक तसेच जिवंत देखावा, ढोल पथकाचा खणखणाट, फटाक्यांची आतषबाजीमध्ये मिरवणूक काढण्यात आली. ठिकठिकाणी दांडपट्टा, तलवार, भाला, लाठी चालवणे आदी साहसी खेळ साजरे करण्यात आले. स्वामी विवेकानंद चौकामध्ये मिरवणुकीची सांगता झाली. मिरवणुकीत ऍड. कृष्णा दाभोळे , रमेश जाधव, विशाल दांगट, बाळासाहेब झंजाड, धनराज शिंदे, दीपक चौगुले, बाळासाहेब गायकवाड, मिकी कोचर, महेंद्र सरोदे, दिगंबर चौरे, श्रीरंग सावंत, जलाल शेख आदी सहभागी झाले होते. श्रीमती नारायणीदेवी अगरवाल चरिटेबल ट्रस्ट देहूरोड, महात्मा फुले अखिल भाजी मंडई मंडळ, जनसेवा रिक्षा संघटना आणि विकासनगर येथील श्री कृष्ण मित्र मंडळ यांच्या वतीने ही शिवजयंती साजरी करण्यात आली. संत तुकाराम महाराज बीज सोहळा देखावा देहूगाव – तीर्थक्षेत्र देहू येथे शिवजयंती उत्सव समितीच्या वतीने मोठ्या उत्साहात साजरी करण्यात आली. मिरवणूक पहाण्यासाठी पंचक्रोशीतील नागरिकांनी मोठी गर्दी केली होती. यात महिलांचा मोठा समावेश होता. पोलिसांचा मोठा बंदोबस्त तैनात होता. समितीच्या वतीने सायंकाळी विठ्ठलवाडी येथून छत्रपती शिवाजी महाराजांची भव्य मिरवणूक काढण्यात आली. संत तुकाराम महाराज यांचा बीज सोहळा झाल्यावर दुसऱ्या दिवशी शिवजयंती साजरी होत असल्याने अग्रभागी वैकुंठाला जाताना गरुडावरील श्री संत तुकाराम महाराज, त्यामागे धर्मवीर संभाजीराजे यांचा मूर्ती, संत तुकाराम महाराज आणि शिवाजी महाराज यांचा भक्ती शक्तीची मूर्ती, त्यामागे प्रभू श्रीरामाची भव्य मूर्ती आणि छत्रपती शिवाजी महाराज यांचा पुतळा असा भव्य देखाव्याचे फटाक्यांच्या आतिषबाजीत, ढोल पथकांच्या खणखणाटात, रोषणाईमध्ये मिरवणूक काढण्यात आली. छत्रपती श्री शिवाजी महाराज चौकामध्ये भव्य व्यासपीठावर छत्रपती शिवाजी महाराज यांचा पाळणा हलवून जन्म साजरा करण्यात आला .त्यानंतर लोककला सादर करण्यात आले. त्यानंतर घोड्यावर स्वार असलेले छत्रपती शिवाजी महाराज यांचे आगमन होऊन व्यासपीठावर महाराजांचा राज्याभिषेक सोहळा फटाक्यांच्या आतिषबाजी मध्ये संपन्न करण्यात आले. आमदार सुनील शेळके, संजोग वाघेरे आदी उपस्थित होते.
