दिल्लीत भीषण आग ! पित्याने दोन मुलांसह सातव्या मजल्यावरून मारली उडी ; तिघांचाही जागीच मृत्यू
Delhi Fire । दिल्लीतील एका अपार्टमेंटमध्ये भीषण आग लागल्याची घटना समोर आली आहे. द्वारका सेक्टर-१३ मधील ‘सबाद अपार्टमेंट’ या बहुमजली इमारतीतील एका फ्लॅटला आग लागली. आगीची बातमी आल्यानंतर एकच खळबळ उडाली. इमारतीच्या वरच्या मजल्यावरील एका फ्लॅटमध्ये आग लागली. यादरम्यान, एका पित्याने आपल्या दोन मुलांसह इमारतीवरून उडी मारून जीव वाचवण्याचा प्रयत्न केला. मात्र यामध्ये या तिघांचाही मृत्यू झाल्याचे सांगण्यात येत आहे.
दरम्यान, अग्निशमन विभागाला सकाळी आगीबद्दल फोन आला, त्यानंतर तातडीने मदत आणि बचाव कार्य सुरू करण्यात आले. या घटनेचा व्हिडिओ सोशल मीडियावर व्हायरल झाला आहे, ज्यामध्ये अपार्टमेंट इमारतीच्या वरच्या मजल्यावर भीषण आग जळताना दिसत आहे.
अग्निशमन विभागाने ही माहिती दिली Delhi Fire ।
अग्निशमन विभागाने तात्काळ घटनास्थळी धाव घेतली. 8 अग्निशमन गाड्या घटनास्थळी रवाना झाल्या. अग्निशमन दलाच्या जवानांनी घटनास्थळी पोहोचून आग आटोक्यात आणण्याचे प्रयत्न सुरू केले. आगीवर नियंत्रण मिळवण्याचे प्रयत्न सुरू असून घटनास्थळावर सतत लक्ष ठेवले जात असल्याचे अग्निशमन विभागाने सांगितले.
VIDEO | Delhi: Fire breaks out in Shabd Apartment in Dwarka. Fire tenders on the spot.#DelhiNews #DelhiFire
(Full video available on PTI Videos – https://t.co/n147TvrpG7) pic.twitter.com/QigD5FjHbP
— Press Trust of India (@PTI_News) June 10, 2025
कोणत्याही प्रकारच्या अफवा टाळण्याचे आवाहन अग्निशमन विभागाने केले आहे. उर्वरित तपशील आणि आगीचे कारण यासाठी अग्निशमन विभागाकडून अधिकृत निवेदनाची वाट पाहिली जात आहे. घटनास्थळी मदत आणि बचाव कार्य प्राधान्याने सुरू आहे. Delhi Fire ।
द्वारका येथील ‘सबाद अपार्टमेंट’ मध्ये आग लागली, जी एमआरव्ही शाळेजवळ आहे. या प्रकारामुळे स्थानिक लोकांमध्ये घबराटीचे वातावरण निर्माण झाले. ज्या इमारतीत आग लागली त्या इमारतीत राहणाऱ्या सर्व लोकांनी आरोप केला आहे की अपार्टमेंट समितीच्या सदस्यांना आगीची माहिती देण्यात आली तेव्हा त्यांनी कोणतीही कारवाई केली नाही. या संपूर्ण प्रकरणात निष्काळजीपणा दिसून आला.
