Delhi Bus Accident: दिल्लीच्या करोल बाग परिसरातील झंडेवालन मंदिराच्या जवळ मंगळवारी रात्री उशिरा एका डबल-डेकर बसचा भीषण अपघात झाल्याचे सांगण्यात येत आहे. बसवरील नियंत्रण सुटून ती उलटली आणि त्यातच हा अपघात झाल्याची माहिती समोर आली आहे. दिल्ली पोलिसांनी दिलेल्या माहितीनुसार, या अपघातात दोन जण गंभीर जखमी झाले होते, ज्यांचा उपचारा दरम्यान मृत्यू झाला. पोलीस या प्रकरणाचा तपास करत आहेत. अग्निशमन दलाच्या माहितीनुसार, राजस्थानहून आलेली ही बस करोल बागच्या हनुमान मंदिर चौकाजवळ उलटली. त्यानंतर अग्निशनम दलाला पहाटे १:०८ वाजता याची माहिती मिळाली. बसमध्ये अंदाजे २५ प्रवासी होते. काही जखमींना रुग्णालयात दाखल करण्यात आले आहे. Delhi Bus Accident: ही डबल-डेकर बस नवीन नियमांचे पूर्णपणे पालन करत नव्हती. बसला फक्त एकच मुख्य दरवाजा होता, जो समोरच्या बाजूला होता. अगदी मागच्या बाजूचा आपत्कालीन दरवाजा तुटलेला होता. याशिवाय, मागच्या दरवाज्यात एक आसन बसवण्यात आले होते. तीन दिवसांपूर्वी जयपूर-दिल्ली महामार्गावरही एका बसचा अपघात झाला होता. जयपूरच्या चांदवाजी परिसरात एका पुलाजवळ भरधाव वेगाने जाणाऱ्या हरियाणा रोडवेजच्या बसने एका दुचाकीला चिरडले होते. दुचाकीवर चार जण होते, त्यापैकी तिघे मित्र होते आणि तिघांचा मृत्यू झाला. अपघातादरम्यान, बस डिव्हायडरजवळील वृक्षारोपणाच्या भागात घुसली. गेल्या आठवड्यात, राजस्थानच्या हनुमानगड जिल्ह्यात एक भीषण रस्ते अपघात घडला. रावतसर मेगा हायवेवर बर्मसरजवळ एक प्रवासी बस आणि ट्रक यांची समोरासमोर धडक झाली. पाच प्रवाशांचा जागीच मृत्यू झाला, तर अनेक जण गंभीर जखमी झाले. Delhi Bus Accident:
