Deepika Padukone : अभिनेत्री दीपिका पादुकोण पुन्हा एकदा रुपेरी पडद्यावर कमबॅक करण्यासाठी सज्ज झाली आहे. आगामी स्पिरीट या दक्षिणात्य चित्रपटातून ती रुपेरी पडदा गाजवण्यासाठी परतणार आहे. स्पिरीट या बिग बजेट चित्रपटासाठी दीपिकाने तगड मानधन घेतले आहे. या मानधनाची बरीच चर्चा होत आहे. स्पिरीट चित्रपटाचे दिग्दर्शन संदिप रेड्डी वांगा करत असून अभिनेता प्रभास या चित्रपटात मुख्य भूमिकेत आहे. दीपिकाने स्पिरिटसाटी तब्बल २० कोटी रुपये इतकं मोठं मानधन घेतले आहे. यामुळे ती भारतीय चित्रपटसृष्टीतील सर्वाधिक मानधन घेणारी अभिनेत्री ठरली आहे. दीपिकाने तिच्या आतापर्यंतच्या फिल्मी करिअरमध्ये अनेक हिट चित्रपट दिले आहेत. २००७ साली तिने ओम शांती ओम या चित्रपटातून बॅालीवूडमध्ये एन्ट्री केली. पदार्पणाच्या पहिल्याच चित्रपटाने दीपिकाला लोकप्रियता मिळवून दिली. त्यानंतर तिने ‘चेन्नई एक्सप्रेस’, ‘हॅपी न्यू इअर’, ‘पठाण’, ‘जवान’ अशा अनेक ब्लॅाकबस्टर चित्रपटातून प्रेक्षकांच्या मनात आपलं अढळ स्थान निर्माण केले. आगामी काळात दीपिका ‘कल्की २८९८ एडी’ या चित्रपटाच्या सीक्वेलचं काम सुरू करणार आहे. तसेच शाहरुखच्या किंग चित्रपटात देखील ती भूमिका साकारणार असल्याचे सांगण्यात आले आहे. एका मुलाखतीत दीपिकाने तिच्या आई होण्याच्या प्रवासाबद्दल सांगितले. ती म्हणाली, माझा आई होण्याचा प्रवास सोपा नव्हता. मानसिक आणि शारीरिक चढ-उतार पार केल्यानंतर दुआचा जन्म झाला आणि कठीण काळानंतरचा आनंद माझ्या वाट्याला आला. मूल झालं म्हणजे इतर सगळ्या गोष्टी संपल्या असं नाही, हे सांगावं लागलं, असे तिने स्पष्ट केले.
