Deepika Padukone | अभिनेत्री दीपिका पदुकोणचे जगभरात मोठा चाहता वर्ग आहे. आपल्या अभिनयाने आणि प्रेक्षकांच्या मनात स्थान निर्माण केले आहे. यांनतर आता दीपिकाने आणखी एक मोठी कामगिरी केली आहे. नुकतीच जागतिक स्तरावरील प्रतिष्ठित ग्लोबल कल्चर मॅगझीन ‘द शिफ्ट’ ने एक विशेष सूची प्रसिद्ध केली आहे. या यादीत जगभरातील ९० पेक्षा जास्त प्रभावशाली महिलांचा समावेश करण्यात आला आहे. ज्यांनी सक्रिय कार्य, सर्जनशीलता, नेतृत्व आणि संस्कृती या क्षेत्रांत आपली वेगळी ओळख निर्माण केली आहे. या यादीत भारतातून अभिनेत्री दीपिका पदुकोण हिचा देखील समावेश करण्यात आला आहे. जागतिक प्रतिष्ठा असलेल्या महिला सहभागी या यादीत दीपिकासोबत अमल क्लूनी, मारिस्का हार्जिटे, सेलेना गोमेज, बिली आयलिश, एंजेलिना जोली, अमांडा गॉरमन, जेसिका चॅस्टेन, ओलिविया रोड्रिगो, लूसी लियू, मिस्टी कोपलँड, आणि बिली जीन किंग यांसारख्या जागतिक प्रतिष्ठा असलेल्या महिला सहभागी आहेत. दीपिकाला हा सन्मान फक्त अभिनयासाठी नव्हे, तर मानसिक आरोग्याविषयी जागरूकता निर्माण करण्यासाठी आणि तिच्या Live Love Laugh Foundation च्या माध्यमातून महिलांना सशक्त बनवण्याच्या कार्यासाठी देखील मिळाला आहे. दीपिकाने या गौरवाच्या क्षणाविषयी सोशल मीडियावर भावना व्यक्त केली आहे. तिने लिहिले की, ‘९१ वर्षांच्या संघर्ष आणि परिवर्तनाच्या विचारांना समर्पित, ग्लोरिया स्टाइनम यांना आदरांजली अर्पण करत ‘द शिफ्ट’ अशा ९० लोकांना निवडत आहे, जे भविष्यात बदल घडवत आहेत. @theshiftison या मान्यतेबद्दल मनःपूर्वक आभार.’ #TheShiftIsOn” या विशेष 90+1 एडिशन* च्या माध्यमातून ग्लोरिया स्टाइनम यांच्या ९१ वर्षांच्या कार्याला मान देण्यात आला आहे, आणि त्यात दीपिका पदुकोणच्या विचारांचाही समावेश आहे. ती म्हणते: “माझ्यासाठी यश म्हणजे केवळ कामातून मिळणारी प्रसिद्धी नव्हे, तर मानसिक आरोग्य आणि स्वतःची काळजी घेणेही तितकेच महत्त्वाचे आहे. मला वाटते की संयम, समतोल, शिस्त आणि प्रामाणिकपणाची स्वतःची एक ताकद असते. मी इच्छिते की नवीन पिढीही या गोष्टींना तितकेच महत्त्व देईल.” दीपिकाने स्थापन केलेली Live Love Laugh Foundation ही मानसिक तणाव, चिंता आणि नैराश्याशी झुंजणाऱ्या लोकांसाठी आधार ठरली आहे. या उपक्रमामुळे अनेकांच्या आयुष्यात सकारात्मक बदल घडले आहेत. अभिनय क्षेत्राबाहेरही दीपिकाचा प्रभाव जागतिक पातळीवर आहे. त्यांनी आंतरराष्ट्रीय प्रकल्पांमध्ये काम केले असून जागतिक मंचांवर भारताचे प्रतिनिधित्व केले आहे. याशिवाय, दीपिका लवकरच २०२६ मध्ये हॉलिवूड वॉक ऑफ फेम वर आपले नाव मिळवणारी पहिली भारतीय कलाकार ठरणार आहे – जे भारतासाठी अत्यंत अभिमानास्पद बाब आहे. दोन मोठ्या यशांनी – एक जागतिक लीडरशिप लिस्टमधील नाव आणि एक महत्त्वपूर्ण पॅन-इंडिया चित्रपटातील प्रमुख भूमिका – दीपिका पदुकोण आजच्या काळातील एक खरी नेतृत्वदर्शक महिला आणि प्रेरणास्त्रोत म्हणून पुढे येत आहे
