मुंबई – ‘दबंग’ आणि ‘दबंग 2’ हे दोन्ही चित्रपट बॉक्‍स ऑफिसवर सुपरहिट झाल्यानंतर सलमान ‘दबंग’च्या फ्रेन्जायझीमधील तिसरा भाग लवकरच प्रेक्षकांच्या भेटीला येणार आहे. काही दिवसांपूर्वी, दबंग 3 चित्रपटाचा दमदार ट्रेलर प्रदर्शित झाला. या ट्रेलर मध्ये सलमान खान आणि सई मांजरेकर यांची जोरदार केमेस्ट्री दिसून येत आहे. त्यामुळे दबंग 3 चित्रपट प्रेक्षकांसाठी उत्तम मेजवानी ठरणार आहे.

 

View this post on Instagram

 

Ye raha ‘Dabangg 3’ Jukebox, ab saare gaano’n ka mazaa lo ek saath! #Dabangg3Jukebox (Link in bio) @arbaazkhanofficial @aslisona @saieemmanjrekar @prabhudheva @kichchasudeepa @nikhildwivedi25 @thesajidwajid @skfilmsofficial @saffron_bm @tseries.official

A post shared by Chulbul Pandey (@beingsalmankhan) on Nov 13, 2019 at 3:06am PST

यातच मिळालेल्या वृत्तानुसार, चित्रपटाचे ‘हुड हुड दबंग दबंग’ हे टायटल सॉन्ग हिंदूच्या भावना दुखावणारे असल्याचा हिंदू जनजागृती समितीचा आरोप आहे. या समितीचे महाराष्ट्र व झारखंडचे आयोजक सुनील घंवात यांनी या गाण्यावर तीव्र आक्षेप नोंदवला आहे.

 

View this post on Instagram

 

Kamaal Khan ki aawaaz, Badshah ka rap aur Chulbul ki dabanggayi; suniye #MunnaBadnaamHua (Link in bio) @arbaazkhanofficial @aslisona @saieemmanjrekar @prabhudheva @kichchasudeepa @nikhildwivedi25 @thesajidwajid @badboyshah @imkamaalkhan @mamtamuzik @skfilmsofficial @saffron_bm @tseries.official

A post shared by Chulbul Pandey (@beingsalmankhan) on Nov 11, 2019 at 4:53am PST

या गाण्यात काही ऋषी सलमानसोबत आक्षेपार्हपद्धतीने डान्स करताना दिसतात. हे सगळे हिंदूंच्या भावना दुखावणारे असल्याचे सुनील घंवात यांनी म्हटले आहे. ऋषीमुनींच्या जागी मौलवी आणि फादर-बिशप यांना नाचताना दाखवण्याची हिंमत मेकर्स करतील का? असा संतप्त सवालही त्यांनी केला आहे.

दरम्यान, चित्रपटात कन्नड अभिनेता सुदीप खलनायकाच्या भूमिकेत दिसणार आहे. दबंग 3 मध्ये सलमान खान आणि सुदीप यांचे जोरदार ऍक्‍शन सीन प्रेक्षकांना दिसणार आहेत. येत्या 20 डिसेंबरला दबंग 3 चित्रपट मोठ्या पडद्यावर येणार आहे.