Cyclone Arnab:  चक्रीवादळ ‘अर्णब’ संदर्भात केंद्र सरकारने 4 राज्ये आणि पुद्दुचेरीमध्ये अलर्ट जारी केला आहे. बंगालच्या उपसागरात मजबूत झाल्यानंतर आता ते आंध्र प्रदेशकडे सरकत आहे. त्यामुळे आंध्र प्रदेश, ओडिशा, तेलंगणा, छत्तीसगड आणि पुद्दुचेरीला सतर्कतेचा इशारा देण्यात आला आहे.

भारतीय हवामानशास्त्र विभागाने (IMD) , “अर्णबचे तीव्र चक्रीवादळात रूपांतर झाले आहे आणि येत्या १२ तासांत ते ‘अत्यंत तीव्र चक्रीवादळ’ बनण्याची शक्यता आहे ” सांगितले.

IMD नुसार, हे वादळ विशाखापट्टणमपासून 490 किमी, काकीनाडापासून 560 किमी आणि बापटलापासून 730 किमी अंतरावर असून ते ताशी 17 किमी वेगाने पश्चिमेकडे सरकत आहे.

अर्णब चा अर्थ Cyclone Arnab: 
बंगाली भाषेत अर्णब म्हणजे महासागर किंवा समुद्र आणि हे नाव बांगलादेशने दिले आहे. आयएमडीच्या म्हणण्यानुसार, अर्णब मंगळवारी सकाळपर्यंत आंध्र प्रदेश आणि यानामचा किनारा ओलांडण्याची शक्यता आहे.

ते बापटला आणि विशाखापट्टणम दरम्यान यानामजवळून जाईल. या कालावधीत, वाऱ्याचा स्थिर वेग ताशी 115-125 किमी असण्याची शक्यता आहे, तर वाऱ्याचा वेग ताशी 140 किमी पर्यंत पोहोचू शकतो.

53 गाड्या रद्द
या चक्रीवादळामुळे 27-28 ऑक्टोबर रोजी 53 गाड्या रद्द करण्यात आल्या आहेत. विजयवाडा, राजमुंद्री, मछलीपट्टणम, नरसपूर, भीमावरम, काकीनाडा बंदर, गुंटूर आणि विशाखापट्टणम यांना जोडणाऱ्या सेवांसह आंध्र प्रदेशातील अनेक मार्गांवर याचा परिणाम झाला आहे. दोन्ही दिवशी काही गाड्या रद्द करण्यात येणार आहेत.

NCMC बैठक Cyclone Arnab: 
कॅबिनेट सचिव टीव्ही सोमनाथन यांनी तयारीचा आढावा घेण्यासाठी आणि मदत कार्यात समन्वय साधण्यासाठी राष्ट्रीय आपत्ती व्यवस्थापन समिती (NCMC) च्या बैठकीचे अध्यक्षस्थान केले. मुसळधार पावसाचा अंदाज पाहता पूर्व उत्तर प्रदेश आणि बिहारच्या अधिकाऱ्यांनाही सतर्क राहण्यास सांगण्यात आले आहे.

राष्ट्रीय आपत्ती प्रतिसाद दल (NDRF) आणि राज्य आपत्ती प्रतिसाद दल (SDRF) पथके तैनात करण्यात आली आहेत आणि अतिरिक्त कर्मचारी स्टँडबायवर ठेवण्यात आले आहेत. लष्कर, नौदल, हवाई दल आणि भारतीय तटरक्षक दलानेही त्यांचे बचाव आणि मदत पथके सज्ज ठेवली आहेत.