World Cup 2023 AUS vs AFG Ibrahim Zadran Century :- आयसीसी एकदिवसीय विश्वचषक 2023 च्या 39व्या सामन्यात अफगाणिस्तानचा सामना ऑस्ट्रेलियाशी होत आहे. या सामन्यात प्रथम फलंदाजी करताना अफगाणिस्तान संघाचा स्टार सलामीवीर इब्राहिम झद्रानने झंझावाती शतक झळकावून इतिहास रचला. अफगाणिस्तानचा 21 वर्षीय फलंदाज इब्राहिम झद्रानने 131 चेंडूत शतक झळकावले. त्याचे वनडे कारकिर्दीतील हे पाचवे शतक होते. त्याच वेळी, इब्राहिम एकदिवसीय विश्वचषकात शतक झळकावणारा अफगाणिस्तानचा पहिला खेळाडू ठरला. तसेच शतक झळकावून इब्राहिमने महान क्रिकेटपटू सचिन तेंडुलकर आणि स्टार फलंदाज विराट कोहली (Ibrahim Zadran Breaks Huge ODI World Cup Record Of Virat Kohli And Sachin Tendulkar With Century Against Australia) यांचे विक्रम मोडीत काढले. इब्राहिम झद्रानने वयाच्या 21व्या वर्षी ऑस्ट्रेलियाविरुद्ध शतक झळकावले आणि विश्वचषकात असे करणारा तो चौथा सर्वात तरुण फलंदाज ठरला. वयाच्या 21 वर्षे आणि 330 दिवसांत इब्राहिमने एकदिवसीय विश्वचषकात शतक झळकावले. या बाबतीत त्याने महान क्रिकेटपटू सचिन तेंडुलकर आणि माजी भारतीय कर्णधार विराट कोहली यांना मागे टाकले. #CWC23 #AUSvAFG | झद्रान, रशीदची तुफानी फलंदाजी; ऑस्ट्रेलियासमोर विजयासाठी ‘इतक्या’ धावांचे लक्ष्य विराट कोहलीने विश्वचषक 2011 मध्ये वयाच्या 22 वर्षे 106 दिवसात बांगलादेशविरुद्ध शतक झळकावले होते. त्याचवेळी सचिन तेंडुलकरने वयाच्या 22 वर्षे आणि 300 दिवसांत एकदिवसीय विश्वचषकात शतक झळकावले होते. तर वर्ल्ड कपमध्ये शतक झळकावणारा सर्वात तरुण खेळाडू म्हणजे आयर्लंडचा पॉल स्टर्लिंग. 2011 च्या कोलकाता विश्वचषकात नेदरलँड्सविरुद्ध त्याने वयाच्या 20 वर्षे 196 दिवसांत शतक झळकावले होते. एकदिवसीय विश्वचषकात शतक झळकावणारे सर्वात तरुण खेळाडू… (1) पॉल स्टर्लिंग (आयर्लंड) विरुद्ध नेदरलँड, (20 वर्षे 196 दिवस) (कोलकाता, 2011) (2) रिकी पाँटिंग (ऑस्ट्रेलिया) विरुद्ध वेस्ट इंडिज,(21 वर्षे 76 दिवस), (जयपूर, 1996) (3) अविष्का फर्नांडो (श्रीलंका) विरुद्ध वेस्ट इंडीज, (21 वर्षे 87 दिवस), (चेस्टर-ले-स्ट्रीट, 2019) (4) इब्राहिम झद्रान (अफगाणिस्तान) विरुद्ध ऑस्ट्रेलिया, (21 वर्षे 330 दिवस) (मुंबई, 2023) (5) विराट कोहली (भारत) विरुद्ध बांगलादेश, (22 वर्षे 106 दिवस),(मीरपूर, 2011) (6) सचिन तेंडुलकर (भारत) विरुद्ध केनिया,(22 वर्षे 300 दिवस), (कटक, 1996)
