CSK vs SRH Sunrisers Hyderabad won by 5 wickets :आयपीएल २०२६ च्या ६३ व्या सामन्यात सनरायझर्स हैदराबादने चेन्नई सुपर किंग्सला त्यांच्याच घरच्या मैदानावर म्हणजेच चेपॉकवर ५ विकेट्सनी धूळ चारली आहे. या दणदणीत विजयामुळे सनरायझर्स हैदराबादसह गुजरात टायटन्स प्लेऑफसाठी पात्र ठरला आहे. या सामन्यात सीएसकेला प्रथम फलंदाजी करताना हैदराबादच्या अचूक गोलंदाजीसमोर २० षटकांत अवघ्या १८० धावाच करता आल्या. प्रत्युत्तरात हैदराबादने १९ व्या षटकात ५ गडी राखून विजयावर शिक्कामोर्तब केला. इशान किशन ठरला विजयाचा ‘रिएल हिरो’ – The Orange Army marches into the Playoffs 🧡 8️⃣th Top 4 appearance for #SRH 👊🔥#TATAIPL | #KhelBindaas | #CSKvSRH pic.twitter.com/YaQmhqLYz8 — IndianPremierLeague (@IPL) May 18, 2026 चेपॉकच्या फिरकीला अनुकूल खेळपट्टीवर १८१ धावांचा पाठलाग करताना हैदराबादची सुरुवात चढ-उताराची झाली. एका बाजूने ठराविक अंतराने विकेट्स पडत असताना विकेटकीपर-फलंदाज इशान किशन मैदानावर ढाल बनून उभा राहिला. इशानने हेनरिक क्लासेनसोबत मिळून अवघ्या ४१ चेंडूंत ७५ धावांची महत्त्वपूर्ण भागीदारी रचली आणि सामन्याचा नूर पालटला. इशान किशनने ४७ चेंडूंत ७ चौकार आणि ३ षटकारांच्या मदतीने ७० धावांची मॅचविनिंग खेळी केली. त्याला क्लासेनने २६ चेंडूंत ४७ धावांची साथ दिली, तर सुरुवातीला अभिषेक शर्माने २६ धावांचे योगदान दिले. सीएसकेकडून मुकेश चौधरीने सर्वाधिक २ विकेट्स घेतल्या. The finishing move 🧡#TATAIPL | #KhelBindaas | #CSKvSRH | @SunRisers pic.twitter.com/cgWz8QJRGg — IndianPremierLeague (@IPL) May 18, 2026 चेन्नईची फलंदाजांनी केली निराशा – The winning shot, the massive celebrations, and the ‘Q’ secured 🧡 Sunrisers Hyderabad are Playoffs Bound 👏 Scorecard ▶️ https://t.co/4SxAzYKEvY#TATAIPL | #KhelBindaas | #CSKvSRH | @SunRisers pic.twitter.com/tvLdxKJdQQ — IndianPremierLeague (@IPL) May 18, 2026 यापूर्वी, प्रथम फलंदाजी करताना चेन्नई सुपर किंग्सचे फलंदाज मोठी भागीदारी रचण्यात अपयशी ठरले. तिसऱ्याच षटकात ३१ धावांवर चेन्नईला पहिला धक्का बसला. सीएसकेसाठी ‘बेबी एबी’ डेवाल्ड ब्रेव्हिसने सर्वाधिक ४४ धावा केल्या, ज्यासाठी त्याने ४४ चेंडू खेळले. सलामीवीर संजू सॅमसनने १३ चेंडूंत २७ धावांची छोटी पण वेगवान खेळी केली. शेवटच्या षटकांमध्ये कार्तिक शर्माने ३२ आणि शिवम दुबेने २६ धावा केल्यामुळे चेन्नई १८० धावांपर्यंत पोहोचू शकली. हेही वाचा – FIFA World Cup 2026 : फुटबॉलचा महाकुंभ; फिफा विश्वचषक २०२६ – नव्या युगाची सुरुवात! कमिन्सच्या माऱ्यापुढे चेन्नईची फलंदाजी ढेपाळली – Gold standard for consistency 🫡 4️⃣th playoff appearance in 5️⃣ seasons for Gujarat Titans 💙👏 Will they lift their 2️⃣nd #TATAIPL title? 🏆#TATAIPL | #KhelBindaas pic.twitter.com/vZnLAxEl4I — IndianPremierLeague (@IPL) May 18, 2026 सनरायझर्स हैदराबादच्या विजयात गोलंदाजांनी पाया रचला. कर्णधार पॅट कमिन्सने अप्रतिम स्पेल टाकत संजू सॅमसन, ऋतुराज गायकवाड आणि कार्तिक शर्मा या तीन मुख्य फलंदाजांना बाद करून चेन्नईची कंबरडे मोडले. त्याला युवा गोलंदाज साकिब हुसैनने २ विकेट्स घेत चांगली साथ दिली, तर प्रफुल्ल हिंगे आणि इशान मलिंगा यांनी प्रत्येकी १-१ विकेट घेतली. या धारदार माऱ्यामुळे चेन्नईला २००+ धावांचा टप्पा ओलांडता आला नाही आणि त्यांना पराभवाचा सामना करावा लागला. चेन्नईच्या पराभवानंतर
