नवी दिल्ली : देशातील सर्वात मोठे केंद्रीय निमलष्करी दल सीआरपीएफची महिला अंजली हि हृदयविकाराच्या झटक्याने त्रस्त असलेल्या व्यक्तीसाठी देवदूत ठरली. दिल्ली मेट्रोमध्ये त्या व्यक्तीला हृदयविकाराचा झटका आला तेव्हा तिथे डॉक्टर नव्हते. एसआय अंजली ड्युटी संपवून घरी परतत होती. तिने पाहिले की त्या माणसाची प्रकृती बिघडत चालली होती.

अंजलीला अशा परिस्थितीत बेशुद्ध व्यक्तीला कार्डिओ पल्मोनरी रिसुसिटेशन (सीपीआर) कसे द्यायचे हे माहित होते. तिने विलंब न करता त्या माणसाला सीपीआर दिला. परिणामी, काही वेळाने ती व्यक्ती शुद्धीवर आली. त्यानंतर, त्या व्यक्तीला पुढच्या स्टेशनवर वैद्यकीय सुविधा देण्यात आली. एसआय अंजली जंतरमंतरवर ड्युटीवर होती.

ड्युटी संपल्यानंतर ती घरी जाण्यासाठी ब्लू लाईन मेट्रोने गेली. कीर्ती नगर मेट्रो स्टेशनजवळ त्याला अचानक एक व्यक्ती खाली पडताना दिसली. त्या व्यक्तीशी कोणीही परिचित नव्हते. हे पाहून अंजलीने लगेच कार्यवाही केली. हृदयाचे ठोके थांबल्यावर रक्त प्रवाह राखण्यासाठी सीपीआर ही एक जीवनरक्षक पद्धत प्रभावी ठरते. अंजलीने त्या माणसाला सीपीआर देण्यास सुरुवात केली. त्या व्यक्तीचा जीव वाचवण्यासाठी हा क्षण खूप मौल्यवान होता. जर यात थोडाही विलंब झाला असता तर त्या व्यक्तीचा जीव वाचवणे कठीण झाले असते. महिला एसआय अंजलीने त्या पुरूषाला दोन ते तीन मिनिटांसाठी सीपीआर दिला. थोड्याच वेळात त्या व्यक्तीला शुद्ध आली.