Crime News : नवी मुंबईतील चार व्यक्तींची एका व्यावसायिकाने २८.४ लाख रुपयांची फसवणूक (Crime News) केल्याचा आरोप आहे. या व्यावसायिकाने फॉरेक्स ट्रेडिंगमध्ये भरघोस परतावा देण्याचे आमिष दाखवून त्यांची फसवणूक केली.

फसवणूक झालेल्यांपैकी एका पीडिताने दाखल केलेल्या तक्रारीच्या (Crime News) आधारे, सचिन गुंजाल या स्थानिक व्यावसायिकाविरुद्ध गुन्हा दाखल करण्यात आला आहे.

तक्रारदार हे एक रिअल इस्टेट एजंट असून, त्यांनी २०२२ ते २०२४ या कालावधीत कामोठे येथील आरोपीच्या ट्रेडिंग हब अकॅडमी अँड सेट अप एंटरप्राइजेस या संस्थेने चालवलेल्या एका योजनेत गुंतवणूक केल्याचा आरोप आहे.

तक्रारीनुसार, गुंजाल याने फॉरेक्स ट्रेडिंगद्वारे १८ ते २० टक्के नफा मिळवून देऊ शकतो असा दावा करून गुंतवणूकदारांना भुरळ घातली आणि ४ ते ६ टक्के मासिक परतावा देण्याचे आश्वासन दिले. तसेच, १२ महिन्यांनंतर गुंतवणूकदारांची मूळ रक्कम परत केली जाईल, असेही त्याने त्यांना आश्वस्त केले होते.

तक्रारदाराचा विश्वास संपादन करण्यासाठी आरोपीने त्याला इतर गुंतवणूकदारांची नोंदी (रेकॉर्ड्स) दाखवल्या आणि आपल्याकडे एकूण ३० कोटी रुपयांचा निधी उपलब्ध असल्याचा दावा केला. पीडित व्यक्तीने सुरुवातीला जानेवारी २०२२ मध्ये १ लाख रुपयांची गुंतवणूक केली होती.

मार्च २०२४ पर्यंत त्याला नियमित परतावा मिळत राहिला आणि त्याने आणखी काही अतिरिक्त गुंतवणूकही केली. मात्र, त्यानंतर परताव्याची रक्कम मिळणे बंद झाले. जेव्हा पीडिताने याविषयी विचारणा केली, तेव्हा आरोपीने उडवाउडवीची उत्तरे दिली, आपले कार्यालय दुसऱ्या ठिकाणी हलवले आणि अखेरीस पीडिताचा फोन नंबरही ब्लॉक केला.

तपासामध्ये निष्पन्न झाले की, तक्रारदारासह एकूण चार गुंतवणूकदारांची २८.४० लाख रुपयांची फसवणूक करण्यात आली आहे. या प्रकरणात अद्याप कोणालाही अटक करण्यात आलेली नाही.