शुभम तैस्वालची भेदक गोलंदाजी : व्हेरॉक संघाची सावध सुरुवात
पुणे – पीवायसी हिंदू जिमखाना यांच्या वतीने आयोजित पीवायसी-गोल्डफिल्ड-मांडके चषक क्रिकेट स्पर्धेत पहिल्या दिवसअखेर शुभम तैस्वाल(41-5) याने उत्कृष्ट गोलंदाजीच्या जोरावर व्हेरॉक वेंगसरकर क्रिकेट अकादमीने केडन्स संघाला 224 धावांवर रोखले.
पीवायसी हिंदू जिमखाना येथील क्रिकेट मैदानावर सुरु असलेल्या या स्पर्धेत केडन्स संघाने नाणेफेक जिंकून प्रथम फलंदाजी करण्याचा निर्णय घेतला. व्हेरॉकच्या अचूक व शिस्तबद्ध गोलंदाजीपुढे केडन्सचा पहिला डाव 39.3 षटकात 224 धावांवर संपुष्टात आला. 10 गडी बाद झाल्याने केडन्सची अंतिम धावसंख्या 174 झाली. यात निखिल पराडकरने 88चेंडूत 8 चौकार व 1 षटकाराच्या मदतीने 86 धावा, तर गणेश गायकवाडने 74 चेंडूत 54 धावा काढून संघाला चांगली सुरुवात करून दिली. पण मधल्या फळीतील फलंदाज मोठी खेळी करू शकले नाही. व्हेरॉककडून शुभम तैस्वालने 8 षटकात 41 धावात 5 गडी बाद करून केडन्सचा निम्मा संघ तंबूत परत पाठवला. कार्तिक पिल्लेने 2 गडी, तर उत्कर्ष अगरवालने 1 गडी बाद करून त्याला सुरेख साथ दिली.
या आव्हानाचा पाठलाग करताना व्हेरॉक संघाने सावध सुरुवात केली. त्यांनी दिवस अखेर 13 षटकांत 1 बाद 85 धावा केल्या. यामध्ये सुधांशु गुंडेतीने संयमपूर्ण खेळी करत 45 चेंडूत 48 धावा केल्या. सुधांशु बाद झाल्यानंतर विनय पाटील नाबाद 30 धावा, मिझान सय्यद नाबाद 6 धावांवर खेळत आहेत. व्हेरॉक संघाचा उर्वरीत 27 षटकांचा खेळ अजून बाकी आहे.
सविस्तर निकाल : साखळी फेरी:
पहिला डाव: केडन्स: 39.3 षटकात सर्वबाद 174 (224-50धावा) (निखिल पराडकर 86, गणेश गायकवाड 54, इझान सय्यद 21, शुभम तैस्वाल 8-41-5, कार्तिक पिल्ले 6-23-2, उत्कर्ष अगरवाल 2-17-1) वि. व्हेरॉक वेंगसरकर क्रिकेट अकादमी: 13 षटकांत 1 बाद 85 धावा (सुधांशु गुंडेती 48, विनय पाटील नाबाद 30(), मिझान सय्यद नाबाद 6(15), गणेश गायकवाड 2-8-1);