पुणे – गर्भाशयातील गाठ काढण्यासाठी आलेल्या महिलेची पूर्वसंमती न घेता संपूर्ण गर्भायशाची पिशवी काढणाऱ्या चार डॉक्टरांसह ५ जणांना न्यायालयाने दणका दिला आहे. अटकपूर्व जामिनासाठी केलेला अर्ज अतिरिक्त सत्र न्यायाधीश सुमित जोशी यांनी फेटाळला. मांजरी बुद्रुक येथील ‘साई केअर मल्टीस्पेशालिटी हॉस्पिटल’मध्ये १५ सप्टेंबर २०२५ रोजी घडलेल्या घटनेमुळे शहरात खळबळ उडाली होती. या प्रकरणात सरकारी पक्षातर्फे ॲड. विश्वास सातपुते यांनी बाजू मांडली. डॉ. संदीप कराड, डॉ. मंदार साहुजी, डॉ. निहाल शेख, डॉ. शेहजाद शेख, सुरज कांबळे अशी अटकपूर्व फेटाळलेल्यांची नावे आहेत. केशवनगर भागात राहणाऱ्या एका ३५ वर्षीय महिलेने दिलेल्या फिर्यादीनुसार मांजरी पोलिसांनी गुन्हा दाखल केला आहे. Pune News त्या ब्युटी पार्लर चालवून आपल्या कुटुंबाचा उदरनिर्वाह करतात. २०२३ मध्ये सोनोग्राफी दरम्यान त्यांच्या गर्भाशयात एक छोटी गाठ असल्याचे निदान झाले होते. पुढील उपचार आणि माहितीसाठी त्यांनी १३ सप्टेंबर २०२५ रोजी मांजरी येथील ‘साई केअर हॉस्पिटल’ला भेट दिली होती. त्यावेळी ही घटना घडल्याचे फिर्यादीत म्हटले आहे. या प्रकरणी ५ जणांनी अटकपूर्व साठी अर्ज केला होता. यास सरकारी वकील विश्वास सातपुते यांनी विरोध् केला. दाखल गुन्हा गंभीर स्वरूपाचा आहे. काढलेल्या गर्भायशाचे काय केले आहे. गर्भायश तस्करी केली आहे का, हा गुन्हा करण्याचा उद्देश काय आहे, त्या महिलेवर उपचार करताना निष्काळजीपणा केल्याचा अभिप्राय बारामती येथील पुण्यश्लोक अहिल्याबाई होळकर शासकीय वैद्यकीय महाविद्यालयाने दिला आहे. त्यामुळे सर्वांना अटक होऊन तपास होणे आवश्यक आहे. त्यामुळे अटकपूर्व जामीन फेटाळण्याची मागणी ॲड. सातपुते यांनी केली.
