#Corona vaccine : मुख्यमंत्री ‘उद्धव ठाकरे’ यांनी घेतला करोना लसीचा दुसरा डोस

मुंबई –  देशात तिसऱ्या टप्प्यातील लसीकरणाला काही दिवसांपूर्वी सुरुवात झाली असून, राज्याचे मुख्यमंत्री उद्धव ठाकरे यांनी सुद्धा आज (दि. ८) करोना लसीचा दुसरा डोस घेतला आहे. स्वतः हा उद्धव ठाकरे यांनी ट्विट करत याबाबत माहिती दिली आहे. त्यांनी यापूर्वी ११ मार्च रोजी मुंबईतील जे.जे.रुग्णालयात जाऊन लसीचा पहिला डोस घेतला होता.

दरम्यान, यापूर्वी आज सकाळी देशाचे पंतप्रधान नरेंद्र मोदी यांनी देखील दिल्लीतील एम्स रुग्णालयात जाऊन लसीचा दुसरा डोस घेतला. सध्या संपूर्ण देशात पुन्हा एकदा करोना विषाणूचा मोठ्या प्रमाणात फैलाव होत आहे. आणि याच पार्श्वभूमीवर महाराष्ट्र राज्याचे मुख्यमंत्री उद्धव ठाकरे यांनी राज्यात काही कठोर निर्बंध लावले आहेत.

डिजिटल प्रभात आता टेलिग्रामवर! चॅनल जॉईन करा व मिळवा सर्व महत्वपूर्ण अपडेट्स, चॅनल जॉईन करण्यासाठी येथे क्लिक करा

Leave A Reply

Your email address will not be published.