Nitesh Tiwari : ‘रामायण’ चित्रपटाला प्रेक्षकांकडून भरभरून प्रतिसाद मिळत असतानाच चित्रपटातील काही दृश्यांवरून वाद निर्माण झाला आहे. विशेषतः सीतेची भूमिका साकारणाऱ्या साई पल्लवीच्या ॲक्शन अवतारावरून सोशल मीडियावर अनेकांनी प्रश्न उपस्थित केले आहेत. आता या वादावर चित्रपटाचे दिग्दर्शक नितेश तिवारी यांनी स्पष्टीकरण दिले आहे.

नुकत्याच दिलेल्या एका मुलाखतीत नितेश तिवारी यांनी सीतेचे ॲक्शन सीन्स सादर करण्यामागील भूमिका स्पष्ट केली. नितेश तिवारी म्हणाले की, “सीतेचे पात्र साकारताना रामायणाच्या विविध आवृत्त्यांचा सखोल अभ्यास करण्यात आला होता. भारतीय परंपरेत रामायणाच्या अनेक कथा आणि आवृत्त्या आहेत. यामध्ये सीतेचे व्यक्तिमत्त्व प्रचलित चित्रणापेक्षा वेगळ्या स्वरूपात मांडण्यात आले आहे.”

संस्कृतमधील ‘अद्भुत रामायण’ आणि १५ व्या शतकातील ओडिया ग्रंथ ‘बिलंक रामायण’ यांचा विशेष उल्लेख केला. या ग्रंथांमध्ये सीतेला केवळ सहनशीलता, त्याग आणि संयम यांचे प्रतीक म्हणून दाखवलेले नाही, तर एका पराक्रमी योद्ध्याच्या आणि वैश्विक शक्तीच्या स्वरूपातही तिचे वर्णन करण्यात आल्याचे त्यांनी सांगितले.

‘सीता केवळ सर्वकाही सहन करणारी स्त्री नाही!’

नितेश तिवारी यांच्या मते, “या कथा सीतेच्या व्यक्तिमत्त्वाची एक वेगळी बाजू समोर आणतात. त्या केवळ संकटांचा सामना करणारी किंवा सर्वकाही सहन करणारी स्त्री नसून सक्रिय योद्धा आणि शक्तीचे स्वरूपही आहेत. त्यामुळे चित्रपटात सीतेचा ॲक्शन अवतार दाखवण्यामागे कोणताही आधुनिक प्रयोग नसून त्याला प्राचीन धार्मिक आणि साहित्यिक परंपरांचा आधार आहे.” असे स्पष्टीकरण त्यांनी वादावर दिले.

Fire department: अरुंद रस्ते अग्निशमन दलासाठी डोकेदुखी! शहराच्‍या विकासतही अग्‍निशामककडे दुर्लक्ष