सार्वत्रिक निवडणुका हा लोकशाहीचा सण मानला जातो. हा सण साजरा करण्यासाठी लोक वेगवेगळे प्रयत्न करतात. अशाच एक व्यक्ती आहे, ज्यांनी वारंवार निवडणूक लढवली आणि निवडणूक लढवणे हे त्यांच्या जीवनाचे मोठे उद्दिष्ट आहे.

पायात चप्पल, डोक्यावर गांधी टोपी आणि पांढरा धोतर-कुर्ता परिधान केलेले ७० वर्षीय हरिसिंह बदाऊन जिल्हाधिकारी कार्यालयात नुकतेच  उमेदवारी नोंदवण्यासाठी आले होते. हरिसिंह जी हे पेशाने सरकारी कर्मचारी होते, पण त्यांना सामाजिक बदल घडवायचा होता, त्यामुळे त्यांना राजकारणात जास्त रस होता.

महात्मा गांधींना आपला आदर्श मानून राजकारणात आलेल्या हरी सिंह यांनी आठ वेळा विधानसभा आणि एकदा लोकसभा निवडणूक लढवली आहे. 1989 मध्ये लोकदल (V) कडून पहिली निवडणूक लढवली आणि तेव्हापासून सातत्याने निवडणूक लढवत आहेत.

हरिसिंह निवडणुकांना उत्सवाप्रमाणे हाताळतात. हा आपल्या आयुष्यातील शेवटचा टप्पा मानून हरिसिंह यांनी या निवडणुकीत उमेदवारी दाखल केली होती, परंतु तपासणीत त्यांचा अर्ज योग्य आढळला नाही, त्यामुळे उमेदवारी रद्द करण्यात आली. वृत्तवाहिनीशी बोलताना हरी सिंह म्हणाले की, ‘पूर्वी जनता उमेदवारांकडे पाहायची पण आता प्रामाणिक उमेदवार नसून फक्त पैसा हवा.’ असं म्हणत त्यांनी मांडलं आहे.

ते पुढे म्हणाले,’आमच्याकडे मालमत्ता, जमीन आणि नोकरीही होती. मी इंटर कॉलेजमध्ये नोकरी केली आहे. असो आमचं उत्पन्न शेतीतून होतं आणि मग मी निवडणुकीत दोन चार बिघे जमीनही विकली. आपल्याकडे थोडे आहे, बाकीचे आपल्याला देणग्यांद्वारे मिळतात. आमच्याकडे 4-6 लाख रुपये आहे, उरलेले पैसे शेतीसाठी, पेन्शनसाठी आहेत आणि जनता आम्हाला लढण्यासाठी देणगी देते.’ असेही ते म्हणाले आहे.