Congo News : काँगोच्या (Congo News) ईशान्य भागात इबोलाच्या उद्रेकात ६५ लोकांचा मृत्यू झाला असून शेकडो लोकांना संसर्ग झाला आहे. देशभरात सुमारे २४६ लोकांना इबोलाची लागण झाल्याचा संशय आहे. प्राथमिक चाचणीत २० पैकी १३ नमुन्यांमध्ये विषाणू आढळला आहे. परिस्थितीवर समन्वय साधण्यासाठी (Congo News) प्रादेशिक आरोग्य अधिकाऱ्यांनी आज तातडीची बैठक बोलावली आहे,असे आफ्रिका रोग नियंत्रण आणि प्रतिबंध केंद्राने सांगितले. आतापर्यंत २४६ संशयित रुग्ण आणि ६५ मृत्यूंची नोंद झाली आहे. हे मृत्यू आणि संशयित रुग्ण प्रामुख्याने मोंगवालू आणि रवामपारा आरोग्य क्षेत्रांमध्ये नोंदवले गेले आहेत. युगांडाच्या सीमेला लागून असलेल्या इतुरी प्रांताची राजधानी बुनियामध्येही संशयित प्रकरणे नोंदवली गेली असून, तेथील रुग्णांना इबोलाचा संसर्ग झाल्याचे प्रयोगशाळेतील तपासणीद्वारे सिद्ध होणे बाकी आहे. इतुरी हे काँगोच्या दुर्गम पूर्व भागात असून, तेथे रस्त्यांची व्यवस्था खराब आहे आणि हा भाग राजधानी किन्शासापासून १,००० किलोमीटरपेक्षा जास्त अंतरावर आहे. प्रभावित क्षेत्र युगांडा आणि दक्षिण सुदानच्या जवळ असल्याने तेथेही ही साथ पसरण्याचा धोका आहे. Congo News काँगोमध्ये सर्वात अलिकडे पसरलेल्या इबोलाच्या साथीमध्ये ४३ जणांचा मृत्यू झाला होता. पण त्यानंतर ही साथ संपल्याचे जाहीर करण्यात आले होते, त्याच्या सुमारे पाच महिन्यांनंतर आता नव्याने साथ पसरली आहे. इबोला विषाणू अत्यंत संसर्गजन्य असून त्याचा संसर्ग (Congo News) उलट्या, रक्त किंवा वीर्य यांसारख्या शारीरिक द्रव्यांमधून होऊ शकतो. त्यामुळे होणारा आजार दुर्मिळ, परंतु गंभीर आणि अनेकदा प्राणघातक असतो.
