मुंबई – सर्वांचा लाडका कॉमेडियन कपिल शर्मा अडचणीत सापडला आहे. खरंतर कपिल शर्मा सध्या आपल्या सहकाऱ्यांसोबत कॅनडा दौऱ्यावर आहे. या दौऱ्यात मध्यंतरी त्यांच्याविरोधात तक्रार दाखल करण्यात आली आहे. कपिलवर कराराची पूर्तता न केल्याचा आरोप करण्यात आला  आहे. (Sai USA Inc ) साईं यूएसए इंकने कपिल शर्माच्या 2015 च्या नॉर्थ अमेरिका टूर दरम्यान कराराचा भंग केल्याबद्दल गुन्हा दाखल केला आहे.

कपिल शर्माविरुद्ध गुन्हा दाखल
ETimes च्या बातमीनुसार, Sai USA Inc ने कपिल शर्मा विरोधात ही तक्रार दाखल केली आहे. वास्तविक, 2015 मध्ये कपिल शर्माने उत्तर अमेरिकेतील काही शोसाठी करार केला होता, जो त्याने पूर्ण केला नाही. अमेरिकेतील सुप्रसिद्ध शो प्रमोटर अमित जेटली म्हणतात की, ‘कपिल शर्माने 6 शो करण्यासाठी करारावर स्वाक्षरी केली होती ज्यासाठी त्याला पैसे देखील देण्यात आले होते परंतु कपिल शर्माने त्यापैकी एकही केला नाही. त्यांनी पैसे परत करण्याचे आश्वासन दिले होते, परंतु त्याने तेही केले नाही. त्याने ना शोमध्ये परफॉर्म केले, ना पैसे परत केले ना त्याने याबाबत काहीही भूमिका मांडली आहे. कोर्टात जाण्यापूर्वी आम्ही त्याच्याशी अनेकदा संपर्क साधण्याचा प्रयत्न केला, पण तो होऊ शकला नाही.

अमित पुढे म्हणाला, सध्या हे प्रकरण न्यूयॉर्क कोर्टात आहे. आता कपिलवर निश्चितपणे कायदेशीर कारवाई करू. आम्ही तुम्हाला सांगतो की कपिल शर्मा सध्या कॅनडामध्ये आहे आणि तो जुलैच्या दुसऱ्या आठवड्यात न्यूयॉर्कमध्ये परफॉर्म करणार आहे. गेल्या महिन्यात शो बंद करून कपिल शर्मा त्याच्या टीमसोबत कॅनडाला रवाना झाला होता. त्याने व्हँकुव्हरमध्ये त्याच्या टीमसोबत परफॉर्म केले आहे. त्यांच्या टीमचे सर्व कलाकार कृष्णा अभिषेक, सुमोना चक्रवर्ती, चंदन प्रभाकर, किकू शारदा आणि राजीव ठाकूर उपस्थित होते.

कपिल शर्मा आणि त्याची टीम टोरंटोमध्ये एक शो करणार
‘द कपिल शर्मा शो’चे कलाकार आता टोरंटोमध्ये दुसऱ्या लाईव्ह शोसाठी आले आहेत. नुकताच कपिल शर्माने ‘द कपिल शर्मा शो’ बंद केला होता, ज्याची माहिती त्याने स्वतः मागच्या एपिसोडमध्ये दिली होती. त्यावेळी त्याचे अनेक फोटो सोशल मीडियावर व्हायरल झाले होते. शेवटच्या दिवशी शोच्या संपूर्ण स्टार कास्टने एकत्र पार्टी केली. यानंतर सर्वांनी एकत्र शोचा निरोप घेतला आणि मग सर्वजण आपापल्या टूरला निघाले. कपिल आणि त्याची टीम निघून गेल्यानंतर अर्चना पूरण सिंगने दुसऱ्या कॉमेडी शोमध्ये जजची खुर्ची घेतली.