CNG Price Hike : इराण आणि अमेरिका यांच्यातील युद्धामुळे जागतिक स्तरावर निर्माण झालेल्या तणावामुळे भारतात इंधनाच्या किंमतींवर (CNG Price Hike) परिणाम होत आहे. एलपीजी गॅस दर वाढल्यानंतर आता सीएनजीच्या दरातही (CNG Price Hike) वाढ करण्यात आली आहे. यामुळे सर्वसामान्य नागरिकांना आणखी एक मोठा आर्थिक धक्का बसला आहे. सीएनजी दरवाढ जाहीर खासगी कंपन्यांनी गुरुवारी (२ एप्रिल २०२६) रात्रीपासून सीएनजीच्या दरात प्रति किलो २ रुपयांची वाढ केली आहे. पुण्यात सीएनजीचा नवीन दर ९४.५० रुपये प्रति किलो झाला आहे. पूर्वीचा दर ९२.५० रुपये प्रति किलो होता. ही दरवाढ आज रात्री १२ वाजल्यापासून लागू होणार आहे. Mumbai CNG Shortage | युद्धामुळे निर्माण झालेला तणाव इराण-अमेरिका युद्धामुळे जागतिक बाजारात कच्च्या तेलाच्या किमती अस्थिर झाल्या आहेत. त्यासोबत डॉलरच्या तुलनेत रुपयाची घसरण झाल्याने इंधन आयात महाग पडत आहे. यामुळे पेट्रोल, डिझेल आणि एलपीजी नंतर आता सीएनजीच्या दरातही वाढ झाली आहे. काही शहरांमध्ये इंधनाचे दर अद्याप स्थिर आहेत, तर काही ठिकाणी वारंवार दरवाढ होताना दिसत आहे. पुण्यासह राज्यातील अनेक शहरांमध्ये ही दरवाढ लागू होणार आहे. सर्वसामान्यांवर परिणाम सीएनजी मुख्यतः ऑटो रिक्षा, टॅक्सी आणि खासगी वाहनांसाठी वापरले जाते. दरवाढीमुळे ऑटो चालक, टॅक्सी ड्रायव्हर्स आणि रोजच्या प्रवासावर अवलंबून असलेल्या सर्वसामान्य नागरिकांना थेट फटका बसणार आहे. यामुळे वाहतूक भाड्यात वाढ होण्याचीही शक्यता आहे. जागतिक युद्धाच्या परिस्थितीमुळे इंधनाच्या किमतींवर सतत दबाव निर्माण होत असल्याने पुढील काही दिवसांत आणखी दरवाढ होण्याची भीती व्यक्त केली जात आहे.