पिंपरी – काल-परवापर्यंत गर्दीने फुलून गेलेले पिंपरी-चिंचवड शहरातील रस्‍ते आणि चौक लक्ष्मीपूजनाच्‍या दिवशी ओस पडले होते. जिथे कायम कोंडी होते ते रस्‍ते देखील मोकळे झाले होते.

उद्योगनगरी अशी ओळख असलेल्‍या पिंपरी-चिंचवडमध्ये नोकरी-व्‍यवसायासाठी देशाच्‍या काना-कोपऱ्यातून लाखो नागरिक येऊन स्‍थायिक झाले आहेत. दरवर्षी दिवाळीला मोठ्या संख्येने नागरिक आपल्‍या गावी जातात. यंदा दुष्काळग्रस्‍त भागातील काही नागरिक गेले नसले तरी इतर भागातून आलेले नागरिक गावी परतले आहेत.

दिवाळीच्या मुख्य सणांच्या दिवसांत पिंपरी-चिंचवडमधील रस्ते सुनसान आणि शांत झाल्याचे चित्र पाहायला मिळते. दरवर्षी औद्योगिक नगरी म्हणून ओळखल्या जाणाऱ्या या शहरात नोकरी आणि व्यवसायानिमित्त राज्यभरातून लाखो नागरिक स्थायिक झाले आहेत.

दिवाळीची सुट्टी सुरू होताच बहुतांश चाकरमानी, आयटीयन्‍स आणि कामगार आपल्या मूळ गावी रवाना होतात. त्यामुळे एरवी वाहनांच्या प्रचंड गर्दीने आणि ट्रॅफिक जॅमने गजबजलेले रस्ते दिवाळीच्या मुख्य दिवसांत अगदी मोकळे आणि शांत होतात.

विशेषत: बिहारमधून शहरात कामासाठी आलेल्‍या नागरिकांची संख्या खूप अधिक आहे. दिवाळी आणि दिवाळीच्‍या पाठोपाठ छठपूजा असल्‍याने अनेक जण आपल्‍या गावी गेले आहेत. यात औद्योगिक परिसरात काम करणाऱ्या कामगारांची संख्या खूप मोठी आहे.

पिंपरी, चिंचवड, भोसरी, वाकड आणि हिंजवडी परिसरातील लाखो नागरिक दिवाळी साजरी करण्यासाठी आपल्या परतले आहेत. एसटी महामंडळाने प्रवाशांसाठी शेकडो विशेष बसेस सोडल्यामुळे बस आगारांमध्ये मोठी गर्दी झाली होती. तर दुसरीकडे शहरातील अंतर्गत रस्ते रिकामे झाले आहेत.

दिवाळीच्या पूर्वसंध्येला खरेदीसाठी पिंपरी मुख्य बाजारपेठ, डांगे चौक आणि चिंचवड स्टेशन भागात प्रचंड गर्दी असते. मात्र, दुपारी लक्ष्मीपूजन केल्‍यानंतर अनेकांनी आपली दुकाने बंद केली.

लक्ष्मीपूजनाच्‍या दिवशी दिवाळीचे मुख्य दिवस सुरू होताच दुकाने बंद राहिल्याने आणि लोकांनी खरेदी आटोपल्याने या बाजारपेठांमध्ये सायंकाळपर्यंत हळूहळू शांतता पसरत होती.

वाहतूक कोंडीतून तात्‍पुरती सुटका
नेहमी ट्रॅफिकने कोंडणारे हायवे आणि उड्डाणपूल या काळात अगदी मोकळे असतात. स्थानिक नागरिकांना या दिवसांत शहरात प्रवास करणे अत्यंत सोयीचे आणि वेळेची बचत करणारे ठरते.

Diwali 2026: घराघरांत लक्ष्मीपूजनाचा मंगल सोहळा; सुख-समृद्धीसाठी नागरिकांची लक्ष्मीमातेकडे प्रार्थना