मुंबई – भांडुप पश्चिम येथील मनपाच्या सुषमा स्वराज रुग्णालयात मोबाइल टॉर्चच्या प्रकाशात खुसरुद्दीन अन्सारीची पत्नी शहिदान्निसावर काही महिन्यांपूर्वी शस्त्रक्रिया करण्यात आली. त्यात तिच्यासह त्यांच्या नवजात बाळाचाही मृत्यू झाला.

याप्रकरणी जे.जे. रुग्णालयाच्या अधिष्ठातांनी हजर राहून स्पष्टीकरण द्यावे, असे आदेश उच्च न्यायालयाने दिले. भारतीय वैद्यक परिषद अथवा आयोगाने या घटनेची दखल घेतली नसल्याबद्दल न्यायमूर्ती रेवती डेरे, पृथ्वीराज चव्हाण यांच्या खंडपीठाने नाराजी व्यक्त केली आहे.