Chhagan Bhujbal : राष्ट्रवादीचे मंत्री छगन भुजबळ यांच्या हेलिकॉप्टर लँडिंगदरम्यान मोठी चूक झाली आहे. भुजबळ हे एका कार्यक्रमासाठी पुणे जिल्ह्यातील पुरंदर तालुक्यातील खानवडी येथे आले होते. Chhagan Bhujbal नियोजित हेलिपॅडवर हेलिकॉप्टर उतरवण्याऐवजी पायलटने ते थेट कार पार्किंगच्या जागेत उतरवल्यामुळे काही काळ परिसरात गोंधळाचे वातावरण निर्माण झाले. घटनेच्या वेळी सुदैवाने कोणतीही मोठी जीवितहानी झाली नाही. पार्किंगमध्ये काही वाहने उभी होती, मात्र कोणालाही गंभीर इजा झाली नसल्याची प्राथमिक माहिती आहे. Chhagan Bhujbal Chhagan Bhujbal दरम्यान, लोकवस्तीच्या जवळ अशा प्रकारची चूक मोठ्या अपघाताला कारणीभूत ठरू शकली असती. याप्रकरणाची प्रशासनाकडून या घटनेची चौकशी केली जाण्याची शक्यता आहे. ही चूक वैमानिकाच्या चुकीच्या अंदाजामुळे झाली की तांत्रिक बिघाडामुळे, याचा तपास केला जाणार आहे. दरम्यान, मंत्री छगन भुजबळ पूर्णपणे सुरक्षित असून, या अनपेक्षित प्रसंगानंतरही त्यांनी आपला पुढील कार्यक्रम नियोजनानुसार पूर्ण केल्याची माहिती आहे. मात्र या घटनेमुळे पुन्हा एकदा बड्या नेत्यांच्या सुरक्षतेबाबत प्रश्नचिन्ह निर्माण होत आहेत. (Chhagan Bhujbal ) हेही वाचा: Mahatma Jyotiba Phule: महात्मा जोतिबा फुले यांची १९९ वी जयंती; त्यांच्या विचारांतून काय शिकायला हवं?
