Charholi Suicide Case – रिअल इस्टेटच्या गुन्ह्यात पत्नीवर गुन्हा दाखल झाला. या कारणावरून पती-पत्नीत वाद झाले. त्यानंतर पतीने टोकाचे पाऊल उचलत विष प्राशन करून आत्महत्या केली. ही घटना च-होली येथे घडली.कुमार ऐश्वर्य (वय ३९, रा. प्राइड वल्र्ड, सिटी किग्ज बेरी, च-होली बुद्रुक) असे आत्महत्या केलेल्या व्यक्तीचे नाव आहे. दिघी पोलीस ठाण्याचे वरिष्ठ निरीक्षक प्रमोद वाघ यांनी दिलेल्या माहितीनुसार, मयत कुमार यांची पत्नी प्रिती ऐश्वर्य या रिअल इस्टेटचे काम करतात. त्यांच्यावर ठाण्यामध्ये गुन्हा दाखल झाला होता. त्यामुळे कुमार हे टेन्शनमध्ये होते. या कारणावरून २९ जानेवारी रोजी पती-पत्नीमध्ये वादही झाला. त्यानंतर पती कुमार यांनी विषारी औषध प्राशन केले. त्यामुळे त्यांना रक्ताच्या उलट्या व जुलाब होऊ लागले. ही बाब पत्नीच्या लक्षात येताच त्यांनी कुमार यांना खासगी रुग्णालयात दाखल केले. उपचारादरम्यान त्यांच्या प्रकृतीमध्ये सुधारणा होत होती. मात्र अचानक प्रकृती गंभीर झाली अन् उपचारादरम्यान रविवारी रात्री साडेदहा वाजताच्या सुमारास त्यांचा मृत्यू झाला. दिघी पोलीस याबाबत अधिक तपास करीत आहेत.
