Chandrashekhar Bawankule : पश्चिम बंगालमधील मतदारांनी शोषणकारी राजकारणामुळे पाठ फिरवल्याने ममता बॅनर्जी यांच्या तृणमूल काँग्रेसला (टीएमसी) पक्षाचे नाव आणि निवडणूक चिन्ह गमवावे लागले, असा दावा राज्याचे मंत्री चंद्रशेखर बावनकुळे (Chandrashekhar Bawankule) यांनी शुक्रवारी केला.

पत्रकारांशी बोलताना बावनकुळे यांनी ममतांचा जनाधार कमी झाल्याचा दावा करत, आता त्या पक्ष वाचवू शकणार नाहीत, असे म्हटले. टीएमसीचे नाव आणि ‘फुले व गवत’ हे चिन्ह गोठवण्याच्या निवडणूक आयोगाच्या अंतरिम निर्णयावरून विरोधकांनी केलेली टीका त्यांनी फेटाळली. तसेच ‘इंडिया’ आघाडीला त्यांनी ‘बुडणारे जहाज’ असे (Chandrashekhar Bawankule) संबोधले.

उद्धव ठाकरे आणि ‘इंडिया’ आघाडीतील इतर पक्षांचीही भविष्यात अशीच अवस्था होईल, असा दावा त्यांनी (Chandrashekhar Bawankule) केला. २०२९ पर्यंत काँग्रेसही स्वतःला वाचवू शकणार नाही, असेही ते म्हणाले. दरम्यान, शुक्रवारी आयोगाने ममता गटाला ‘ममता ऑल इंडिया तृणमूल काँग्रेस’ हे नाव व ‘फुटबॉलपटू’ चिन्ह, तर अरूप रॉय गटाला ‘डेमोक्रॅटिक तृणमूल काँग्रेस’ हे नाव व ‘लिफाफा’ चिन्ह दिले.