Chandrashekhar Bawankule: चंद्रशेखर बावनकुळे यांच्या वक्तव्यावरून काँग्रेस नेत्या यशोमती ठाकूर यांनी जोरदार पलटवार केला आहे. राहुल गांधींवरील वैयक्तिक टीकेवरून ठाकूर यांनी बावनकुळेंना थेट इशारा दिला.

मंत्री चंद्रशेखर बावनकुळे यांच्या वक्तव्यावर काँग्रेस नेत्या यशोमती ठाकूर यांनी तीव्र प्रतिक्रिया दिली आहे. बावनकुळे यांनी जिभेवर लगाम न घातल्यास त्यांना आग्रा याठिकाणी मानसिक रुग्णालयात पाठवण्याची व्यवस्था करू, असा इशारा ठाकूर यांनी दिला. राहुल गांधी यांच्यावर वैयक्तिक टीका सहन केली जाणार नसल्याचेही त्यांनी स्पष्ट केले.

दरम्यान, बुलढाण्यातील चिखलीचे काँग्रेसचे माजी आमदार राहुल बोंद्रे यांनी भाजपमध्ये जाण्याचा निर्णय नाकारल्यानंतरही ठाकूर यांनी यावर भाष्य केले. राहुल बोंद्रे यांच्यावर सरकारकडून दबाव असल्याचा आरोप त्यांनी केला. तसेच, कठीण काळात राहुल गांधी काँग्रेस कार्यकर्त्यांच्या पाठीशी ठामपणे उभे राहिले असल्याचे यशोमती ठाकूर यांनी म्हटले.