प्रभात वृत्तसेवा पुणे – हिवाळी हंगामात प्रवाशांची वाढती गर्दी लक्षात घेऊन मध्य रेल्वेने प्रवाशांच्या सोयीसाठी काही प्रमुख मार्गावरील गाड्यांचा वेळा, मार्ग आणि थांबे वाढविण्याचा निर्णय घेतला आहे. त्यामध्ये प्रामुख्याने अजमेर-दौंड-अजमेर यासह बिकानेर – साईनगर शिर्डी – बिकानेर विशेष गाडीच्या फेऱ्या वाढविल्या आहेत. ट्रेन क्रमांक ०९६२५/०९६२६ अजमेर – दौंड – अजमेर विशेष (साप्ताहिक) गाडीचा कालावधी २५ आणि २६ डिसेंबरपर्यंत वाढविला आहे. त्यामुळे अजमेर-दौंड चार आणि दौंड-अजमेर चार अशा एकूण आठ फेऱ्या वाढविल्या आहेत. ट्रेन क्रमांक ०४७१५/०४७१६ बिकानेर – साईनगर शिर्डी – बिकानेर विशेष (साप्ताहिक) गाडीचा कालावधी २७ आणि २८ डिसेंबरपर्यंत वाढविला आहे. त्यामुळे बिकानेर- साईनगर शिर्डी चार आणि साईनगर शिर्डी-बिकानेर चार अशा एकूण आठ फेऱ्या वाढविल्या आहेत. ट्रेन क्रमांक ०९६२७/०९६२८ अजमेर – सोलापूर – अजमेर स्पेशल गाडीचा कालावधीही दि. ३१ डिसेंबर आणि १ जानेवारी २०२६ पर्यंत वाढविला असून, एकूण दहा फेऱ्या वाढल्या आहेत.
