सध्या आयपीएलचा 18 वा सिझन सुरु आहे. या सिझनमध्ये आतापर्यंत 12 सामने झाले आहेत. या सिझनमध्ये दररोज रोमांचक क्रिकेट सामने प्रेक्षकांना पाहायला मिळत आहेत. यादरम्यान भारतीय क्रिकेट चाहत्यांना बीसीसीआयकडून भारतीय खेळाडूंच्या सेंट्रल कॉन्ट्रॅक्ट (Central Contract Of Player) लिस्ट येण्याची प्रतीक्षा होती. परंतु यादरम्यान ऑस्ट्रेलिया क्रिकेट बोर्डाने त्यांच्या सेंट्रल कॉन्ट्रॅक्टची घोषणा केली आहे.

या सेंट्रल कॉन्ट्रॅक्टमध्ये ऑस्ट्रेलियाने 23खेळाडूंना संधी दिली आहे. तसेच या कॉन्ट्रॅक्टमध्ये 3 नव्या खेळाडूंना पहिल्यांदाच या कॉन्ट्रॅक्टमध्ये स्थान देण्यात आले आहे. क्रिकेट बोर्डाने सॅम कॉन्स्टास, मॅट कुहनेमन आणि बीयू वेबस्टर या नव्या खेळाडूंचा कराराच्या यादीमध्ये समावेश केला आहे.

नव्या खेळाडूंबद्दल बोलायचे झाले तर कोंस्टासने मागच्या वर्षी 26 डिसेंबर रोजी भारताविरुद्ध आंतरराष्ट्रीय क्रिकेटमध्ये पदार्पण केले. या टेस्टच्या पहिल्या इनिंगमध्ये त्याने 60 तर दुसऱ्या इनिंगमध्ये त्याने 8 धावा केल्या. 2022 मध्ये मॅट कुहनेमनने आंतरराष्ट्रीय पदार्पण केले. यावर्षी श्रीलंकेविरुद्धच्या टेस्ट सीरिजमध्ये त्याने चमकदार कामगिरी केली होती. त्याने दोन टेस्ट सामन्यात एकूण 16 विकेट्स घेतल्या. 31 वर्षांच्या ओल्ड बीयू वेबस्टरने यावर्षी आंतरराष्ट्रीय पदार्पण केले आहे. त्याने 3 कसोटी सामन्यात 150 धावा केल्या आहेत आणि 3 विकेट्स घेतल्या आहेत.

ऑस्ट्रेलिया क्रिकेटच्या सेंट्रल कॉन्ट्रॅक्टमध्ये ‘या’ खेळाडूंचा समावेश
जेवियर बार्टलेट, स्कॉट बोलॅंड, एलेक्स कॅरी, पॅट कमिंस, नाथन एलिस, कॅमरुन ग्रीन, जोश हेज़लवुड, ट्रेव्हिस हेड, जोश इंग्लिस, उस्मान ख्वाजा, सॅम कोंटास, मॅथ्यू कुहनेमन, मार्नस लाबुशेन, नाथन लियोन, मिशेल मार्श, ग्लेन मॅक्सवेल, लांस मॉरिस, झाई रिचर्डसन, माट शॉर्ट, स्टीव स्मिथ, मिशेल स्टार्क, ब्यू वेबस्टर, एडम ज़म्पा.

‘या’ खेळाडूंना सेंट्रल कॉन्ट्रॅक्टमधून डावललं (Central Contract Of Player)
कोनोली, सीमर सीन अ‍ॅबॉट, ऑल राऊंडर अ‍ॅरोन हार्डी आणि स्पिनर टॉड मर्फी यांची नावे समाविष्ट नाहीत. अ‍ॅबॉट आणि हार्डी दोघेही चॅम्पियन्स ट्रॉफी 2025 संघाचा भाग होते, परंतु त्यांना स्पर्धेत एकही सामना खेळण्याची संधी मिळाली नाही.