Obsession Movie 2026 : हॉरर आणि सस्पेन्सचा थरार अनुभवायला लावणारा दिग्दर्शक कॅरी बार्करचा बहुचर्चित चित्रपट ‘ऑब्सेशन’  (Obsession ) अखेर 29 मे रोजी भारतीय चित्रपटगृहांमध्ये प्रदर्शित झाला. मात्र, प्रदर्शनापूर्वी सेन्सॉर बोर्डाने चित्रपटातील काही महत्त्वाच्या दृश्यांवर कात्री चालवल्याने चाहत्यांमध्ये नाराजीचे वातावरण निर्माण झाले आहे.

अमेरिकेत 15 मे रोजी प्रदर्शित झालेल्या या चित्रपटाची भारतीय प्रेक्षक आतुरतेने वाट पाहत होते. जवळपास दोन आठवड्यांच्या प्रतीक्षेनंतर चित्रपट भारतात ‘A’ प्रमाणपत्रासह रिलीज झाला. मात्र, सेन्सॉर बोर्डाने चित्रपटातील दोन महत्त्वाची दृश्ये काढून टाकल्यानंतरच त्याला प्रदर्शित होण्याची परवानगी देण्यात आली. (Obsession Movie 2026)

मूळतः 1 तास 50 मिनिटांचा असलेल्या या चित्रपटातून काही महत्वाचे सीन्स काढून टाकण्यात आले आहेत. यामध्ये अत्यंत हिंसक दृश्य आणि एक खासगी स्वरूपाचे दृश्य हटवण्यात आले असल्याचे सांगितले जात आहे.  (Obsession Movie 2026)

हेही वाचा : Vivo S60: ७,२००mAh बॅटरी, १००x झूम; व्हिवो एस६० सीरिजने मिडरेंज बाजारात केली दमदार एंट्री!

‘ऑब्सेशन’चा जागतिक प्रीमियर 5 सप्टेंबर 2025 रोजी टोरोंटो आंतरराष्ट्रीय चित्रपट महोत्सवात झाला होता. त्यानंतर अमेरिकेत प्रदर्शित झालेल्या या चित्रपटाला प्रेक्षकांचा जबरदस्त प्रतिसाद मिळाला. अवघ्या 15 दिवसांत चित्रपटाने 10 दशलक्ष डॉलर्सहून अधिक कमाई (९५० कोटी) पेक्षा जास्त कमाई करत बॉक्स ऑफिसवर यशाची नोंद केली. (Obsession Movie 2026)

मर्यादित बजेटमध्ये तयार झालेल्या या चित्रपटाची कथा एका तरुण प्रियकराभोवती फिरते. आपल्या प्रेयसीचे प्रेम मिळवण्यासाठी तो एका रहस्यमय ‘वन विश विलो’चा आधार घेतो. मात्र प्रत्येक इच्छेची किंमत भयंकर असते, याची जाणीव त्याला उशिरा होते आणि त्यानंतर सुरू होतो भयावह घटनांचा सिलसिला. (Obsession Movie 2026)

कॅरी बार्कर लिखित आणि दिग्दर्शित या चित्रपटात मायकल जॉन्स्टन, इंडे नॅव्हारेट आणि कूपर टॉमलिन्सन यांच्या प्रमुख भूमिका आहेत. हॉरर, रोमांस आणि सस्पेन्सचा अनोखा मिलाफ असलेल्या या चित्रपटाला IMDb वर 8.2/10 असे प्रभावी रेटिंग मिळाले आहे.  (Obsession Movie 2026)

हेही वाचा :  Karishma Kapoor : करिश्मा कपूरचा थरारक अवतार! ‘ब्राऊन’चा ट्रेलर पाहून चाहते झाले उत्सुक