Canara Bank Share Price: अंतरिम बजेटनंतर दुसऱ्या दिवशी आज शुक्रवारी शेअर बाजारात मोठी वाढ झाली आहे. अनेक शेअर्समध्ये बंपर वाढ झाली आहे तर अनेक शेअर्शनी 52 आठवड्यांचा उच्चांक देखील गाठला आहे. दरम्यान, कॅनरा बॅंक स्टॉकने एका वर्षात आपल्या गुंतवणूकदारांना खूप चांगला परतावा दिला आहे. यासोबतच कंपनीने आता 52 आठवड्यांचा उच्चांकही गाठला आहे. कॅनरा बँकेचे त्रैमासिक निकालही नुकतेच जाहीर झाले, जे खूपच प्रभावी होते. त्याचवेळी, गेल्या एक वर्षापासून शेअरमध्ये वाढ झाली आहे, त्यामुळे गुंतवणूकदारांनाही त्याचा फायदा होत आहे.

52 आठवड्यांचा उच्चांक –

कॅनरा बँकेचे शेअर्स शुक्रवारी, 2 फेब्रुवारी रोजी 52 आठवड्यांच्या उच्चांकावर पोहोचले. यासोबतच या शेअरने एका वर्षात गुंतवणूकदारांना उत्कृष्ट परतावाही दिला आहे. कॅनरा बँकेचे शेअर्स आता 500 रुपयांच्या वर व्यवहार करत आहेत. शुक्रवारी कॅनरा बँकेचा शेअर NSE वर 514.30 रुपयांवर बंद झाला. शेअरमध्ये 12.80 रुपये (2.55%) ची वाढ दिसून आली.

उत्तम परतावा दिला –

आज शेअरने 522.30 रुपयांचा 52 आठवड्यांचा उच्चांक गाठला आहे. यासोबतच त्याचा 52 आठवड्यांचा नीचांक 268.80 रुपये आहे. सार्वजनिक क्षेत्रातील महत्त्वाच्या बँकांमध्ये कॅनरा बँकेची गणना केली जाते. अशा परिस्थितीत त्याचे गुंतवणूकदारही मोठ्या नफ्यात आहेत. गेल्या एका महिन्यात कॅनरा बँकेच्या शेअर्सनी त्यांच्या गुंतवणूकदारांना सुमारे 12 टक्के परतावा दिला आहे.

एका वर्षात झाली एवढी वाढ –

याशिवाय, गेल्या 6 महिन्यांत बँकेने आपल्या गुंतवणूकदारांना सुमारे 57 टक्के परतावा दिला आहे. एका वर्षात तुलना केल्यास शेअरची किंमत 200 रुपयांपेक्षा जास्त वाढली आहे. शेअर 217 रुपयांनी वाढला आहे आणि गुंतवणूकदारांना 73.46 टक्के परतावा दिला आहे.

त्रैमासिक निकालही उत्कृष्ट –

कॅनरा बँकेचे तिसऱ्या तिमाहीचे निकालही खूपच प्रभावी होते. बँकेने तिसऱ्या तिमाहीत निव्वळ नफ्यात 26.87% वाढ नोंदवून 3,656 कोटी रुपयांवर पोहोचला आहे, जो मागील वर्षीच्या कालावधीत 2,881.5 कोटी रुपये होता. डिसेंबर तिमाहीत ग्रॉस एनपीए 4.39 टक्क्यांपर्यंत सुधारला तर निव्वळ एनपीए 1.32 टक्के राहिला आहे.

(टीप – हा गुंतवणूकीचा सल्ला नाही. शेअर बाजार जोखमीच्या अधिन आहे. गुंतवणूक करण्यापूर्वी तज्ज्ञांचा सल्ला घ्यावा.)