canada fire: कॅनडाच्या ब्रिटिश कोलंबिया प्रांतात लागलेल्या एका मोठ्या वणव्यामुळे सर्वत्र घबराट पसरली आहे. बाल्ड रेंज वणवा इतक्या वेगाने पसरत आहे की, स्थानिकांना आपले जीवनावश्यक सामानही मागे सोडून पलायन करण्यास भाग पडत आहे.

रातोरात आगीचा आकार जवळपास दुप्पट झाला, यावरून तिची तीव्रता दिसून येते. आगीचा वेग आणि धोका लक्षात घेता, अधिकाऱ्यांनी गेल्या शनिवारी आणीबाणी जाहीर केली. 

प्रशासनाकडून रहिवाशांना शक्य तितक्या लवकर स्थलांतरित होण्याचे आवाहन केले. या आगीमुळे, ब्रिटिश कोलंबियामधील २०,००० हून अधिक लोकांना आपली घरे रिकामी करण्याचे आदेश देण्यात आले आहेत.

BC山火严重了，今天下午全省进入紧急状态。起火的 Summerland 位于BC省欧根纳根谷西岸，是个1.2万人的美丽小镇，离Kelowna约48公里。这里常有森林火灾，2023年也曾遭遇严重大火。非常喜欢Okanagan Valley,孩子球队以前也去过那里打比赛。…

— Skykid🍁 (@SkykidLan) August 9, 2026

आगीने सर्वाधिक नुकसान कुठे केले आहे? canada fire:

मिळालेल्या माहितीनुसार, दक्षिण ब्रिटिश कोलंबियामधील ओकानगन सरोवराच्या पश्चिम भागात आग वेगाने पसरत आहे. समरलँड आणि पीचलँडसह आसपासच्या अनेक भागांमध्ये तात्काळ स्थलांतराचे आदेश जारी करण्यात आले आहेत.

अधिकाऱ्यांच्या मते, बाल्ड रेंज वणवा आता अंदाजे ९,५०० हेक्टरवर पसरला असून, तो नियंत्रणात आणणे अशक्य झाले आहे. हा परिसर कॅनडाच्या प्रमुख वाइन-उत्पादक प्रदेशांपैकी एक आहे आणि ब्रिटिश कोलंबियामधील बहुतेक द्राक्षांचे मळे येथेच आहेत.

‘बॉम्बस्फोटासारखी’ भयानक आग
ब्रिटिश कोलंबियाचे प्रीमियर डेव्हिड एबाय यांनी परिस्थितीची तीव्रता वर्णन करताना सांगितले की, अग्निशमन दलाच्या एका अधिकाऱ्याने या आगीचे वर्णन ‘बॉम्बस्फोटासारखे’ केले आहे.

त्या अधिकाऱ्याच्या म्हणण्यानुसार, आगीच्या ज्वाला सुमारे १०० फूट उंच झाडांपर्यंत पोहोचल्या आणि त्यांच्यावरून २०० फूट उंच गेल्या. आगीमुळे निर्माण झालेला धूर आणि उष्ण वाऱ्यांमुळे जंगलावर अशी परिस्थिती निर्माण झाली की, वीज कोसळू लागली, ज्यामुळे परिसरात आग पसरण्याचा धोका वाढला. या आगीमुळे अनेक घरे आणि लाखो रुपयांच्या मालमत्तेचे नुकसान झाले.

परिस्थिती इतक्या झपाट्याने बदलली की काही लोक आगीत अडकले, ज्यांना बचाव पथकांनी वाचवले. समरलँडची लोकसंख्या अंदाजे १२,००० आहे आणि पीचलँडची लोकसंख्या अंदाजे ६,५०० आहे. शुक्रवारी रात्री मोठ्या संख्येने लोकांनी आपली घरे सोडून पलायन केले.