Lishalini Kanaran : मलेशियात जन्मलेली भारतीय वंशाची अभिनेत्री आणि टीव्ही होस्ट लिशालिनी कनारनसोबत एक धक्कादायक प्रकार घडला आहे. आशिर्वाद देण्याच्या बहाण्याने विनयभंग केल्याचा आरोप तिने एका पुजाऱ्यावर केला आहे. या धक्कादायक घटनेबाबत तिने इन्स्टावरून पोस्ट शेअर केली आहे. अभिनेत्रीच्या पोस्टनंतर या धक्कादायक प्रकाराचा सर्व स्तरातून तीव्र स्वरुपाचा निषेध नोंदविण्यात येत आहे. हे प्रकरण आता मलेशियन पोलिसांपर्यंत पोहोचले असून आरोपी पुजाऱ्याचा शोध सुरू आहे. या संपूर्ण घटनेविषयीची पोस्ट अभिनेत्रीने तिच्या इन्स्टावरून शेअर केली आहे. तिच्या या पोस्टमुळे चाहत्यांना मोठा धक्का बसला आहे. या घृणास्पद प्रकारावर संताप व्यक्त केला जात आहे. लिशालिनी कनारन हिच्या पोस्टनुसार, गेल्या शनिवारी सेपांग येथील मरिअम्मन मंदिरात ही घटना घडली. इन्स्टावर लांबलचक पोस्ट लिहून याबाबत लोकांना माहिती दिली आहे. पोस्टमध्ये काय? लिशालिनी हि अधात्मिकतेकडे वळली होती. ती नियमित मंदिरात जात होती. अभिनेत्रीच्या पोस्टनुसार, मंदिरातील पुजारी तिला धार्मिक विधींमध्ये मार्गदर्शक करतो, तो प्रार्थनादरम्यान तिच्याकडे आला आणि तिला पवित्र पाणी आणि रक्षासूत्र देण्याची अॅाफर दिली. त्यानंतर त्याने तिला पूजा संपल्यानंतर अॅाफिसमध्ये बोलावले. तिथून दुसऱ्या अॅाफिसमध्ये नेले. तिथे गेल्यानंतर पुजाऱ्याने एका तीव्र वासाचे द्रव पाण्यात मिसळून ते ‘पवित्र जल’ असल्याचे तिला सांगितले. पुजाऱ्याने ते पाणी तिच्या चेहऱ्यावर इतके शिंपडले, त्यानंतर तिच्या डोळ्यांची जळजळ होऊ लागली. तिला डोळे उघणेही कठीण झाले. यानंतर नराधम पुजारने तिच्या ब्लाउज आणि ब्राच्या आत घालून तिला चुकीच्या पद्धतीने स्पर्श केला, असा धक्कादायक आरोप लिशालिनीने केला आहे. पुढे तिने पुजाऱ्याने माझे लैंगिक शोषण केले आणि मी काहीही करू शकले नाही, असे म्हटले आहे. या घटनेची गंभीर दखल मलेशियन पोलिसांनी घेतली असून आरोपी पुजाराचा शोध घेतला जात आहे. अभिनेत्रीने तिच्या सोशल मीडिया अकाऊंटवरून धक्कादायक घटनेची पोस्ट शेअर करताच संताप व्यक्त केला जात आहे. हेही वाचा : “लेकीच्या कमाईवर जगणारा म्हणून लोकांनी टोमणे दिले म्हणून…”; टेनिसपटू राधिका यादवच्या वडिलांनी कबूल केला गुन्हा, गोळ्या घालून केली हत्या
