Bushra Bibi : पाकिस्तानचे माजी पंतप्रधान इम्रान खान यांच्या पत्नी बुशरा बिबी (Bushra Bibi) यांनाही आता डोळ्यांनी कमी दिसायला लागले आहे. आपल्या डोळ्यांवर आपल्या खासगी डॉक्टरांकडून त्वरित योग्य उपचार करण्यात यावेत, या मागणीसाठी बुशरा बिबी यांनी इस्लामाबाद उच्च न्यायालयात एक याचिका दाखल केली आहे.

बुशरा बिबी (Bushra Bibi) सध्या १९० दशलक्ष पौंडांच्या भ्रष्टाचाराच्या प्रकरणात तुरुंगात शिक्षा भोगत आहेत. शिक्षेला आव्हान देणाऱ्या त्यांच्या यापुर्वीच्या याचिका अद्याप उच्च न्यायालयात प्रलंबित असतानाच त्यांनी ही नवी याचिका दाखल केली आहे.

अदियाळा तुरुंग प्रशासनाकडून नवीन आणि सर्वसमावेशक अहवाल मागण्यात यावा. आवश्‍यकतेनुसार निदान आणि उपचार करण्याची सूचना तुरुंगाच्या अधिकाऱ्यांना देण्यात यावी. विशेषतः डोळ्यांच्या उपचारांसाठी आपल्या खासगी डॉक्टरांकडून तपासणी करून घेण्यात यावी. त्यासाठी आवश्‍यक ती वैद्यकीय सुविधा उपलब्ध करून देण्यात यावी, अशी मागणीही त्यांनी (Bushra Bibi) केली आहे.