Maharashtra Election : महाराष्ट्राच्या राजकारणात पुन्हा एकदा निवडणुकांची धामधूम पाहायला मिळणार आहे. येत्या काही दिवसांत विधान परिषद निवडणुकांची घोषणा होण्याची शक्यता असून, एकूण 26 जागांसाठी निवडणूक होणार आहे. त्यामुळे राज्यातील राजकीय वातावरण चांगलेच तापण्याची चिन्हे आहेत. या निवडणुकीत विधानसभेच्या सदस्यांमधून निवडून द्यायच्या 9 जागा आणि स्थानिक स्वराज्य संस्थांमधील तब्बल 17 रिक्त जागांचा समावेश आहे. विशेष म्हणजे, 9 जागांचा कार्यकाळ 13 मे 2026 रोजी संपणार आहे. Maharashtra Election या जागांमध्ये उद्धव ठाकरे, नीलम गोऱ्हे, अमोल मिटकरी, शशिकांत शिंदे आणि राजेश राठोड यांसारख्या नेत्यांचा समावेश आहे. सध्याच्या विधानसभेतील संख्याबळ पाहता भाजपला 5 जागा मिळण्याची शक्यता व्यक्त केली जात आहे, तर शिवसेना 2, राष्ट्रवादी 1 आणि महाविकास आघाडीला 1 जागा मिळू शकते. मात्र, अतिरिक्त मतांमुळे आणि उमेदवारीतील बदलांमुळे ही निवडणूक बिनविरोध होण्याची शक्यता कमी असून, चुरशीची लढत अपेक्षित आहे. Maharashtra Election Maharashtra Election : मोठी बातमी! महाराष्ट्राला मिळणार 26 आमदार; विधानपरिषदेतील 9 आमदारांचा समावेश, वाचा सविस्तर एका क्लिकवर दरम्यान, स्थानिक स्वराज्य संस्थांच्या 17 जागा गेल्या अडीच वर्षांपासून रिक्त आहेत. जिल्हा परिषद आणि महापालिका निवडणुका न झाल्यामुळे या जागांवर मतदान होऊ शकले नव्हते. आता केंद्रीय निवडणूक आयोगाने 75 टक्के मतदार निकष लागू करत या जागा भरण्याची तयारी सुरू केली आहे. सोलापूर, पुणे, नाशिक, नागपूर, ठाणे यांसारख्या महत्त्वाच्या जिल्ह्यांसह अनेक भागांमध्ये या निवडणुका होण्याची शक्यता आहे. आयोगाच्या नव्या नियमांमुळे तांत्रिक अडचणी दूर झाल्या असून, लवकरच निवडणुकीचा कार्यक्रम जाहीर होण्याची शक्यता वर्तवली जात आहे. यामुळे आता राजकीय हालचालीसह मोर्चेबांधणीला वेग आला आहे. Maharashtra Election या पार्श्वभूमीवर महायुती आपले वर्चस्व कायम राखण्याच्या तयारीत आहे, तर महाविकास आघाडी जास्तीत जास्त जागा मिळवण्यासाठी जोरदार रणनीती आखत आहे. कोकण, पश्चिम महाराष्ट्र आणि विदर्भातील जागांवर विशेष लक्ष केंद्रीत करण्यात आले आहे. विधान परिषदेतील या आमदारांचा कार्यकाळ संपणार राजेश राठोड (काँग्रेस) उद्धव ठाकरे (उबाठा) नीलम गोऱ्हे (शिवसेना) प्रवीण दटके (भाजप) रमेश कराड (भाजप) गोपीचंद पडळकर (भाजप) रणजितसिंह मोहिते-पाटील (भाजप) शशिकांत शिंदे (राष्ट्रवादी – शरद पवार गट) अमोल मिटकरी (राष्ट्रवादी – अजित पवार गट) हेही वाचा : Sadabhau Khot : सत्तेच्या सारीपाटावर स्वयंघोषित पुरोगामी धृतराष्ट्र बनला..! आमदार सदाभाऊ खोत यांची रोहित पवारांवर बोचऱ्या शब्दांत टीका
