Border-Gavaskar Trophy 2024/25 : – शुक्रवारी भारतीय संघांदरम्यान सुरु असलेल्या सराव सामन्यामध्ये भारताच्या लोकेश राहुलच्या उजव्या कोपराला दुखापत झाली असल्याने त्याला मैदान सोडावे लागले. त्यामुळे आगामी 22 नोव्हेंबरपासून सुरु होणाऱ्या ऑस्ट्रेलिया विरुद्धच्या पहिल्या कसोटी सामन्यात लोकेश राहुल खेळणार की नाही याबाबत साशंकता आहे.

भारताचा वेगवान गोलंदाज, प्रसिद्ध कृष्णा वेगवान चेंडूत राहुलच्या कोपरावर आदळला. यावेळी राहुल 29 धावांवर फलंदाजी करत होता. यावेळी उपलब्ध असलेल्या फिजियोचा सल्ला घेतल्यानंतर त्याला मैदान सोडावे लागले. बॉर्डर-गावस्कर करंडक स्पर्धेच्या पहिल्या लढतीमध्ये भारताचा नियमित कर्णधार रोहित शर्मा खेळू शकला नाही, तर त्याच्या जागी लोकेश राहुलला संधी मिळण्याची शक्यता आहे.

भारताचा फलंदाज लोकेश राहुल जखमी झाला असून, त्याच्या कोपराला दुखापत झाली आहे, राहुलला झालेल्या दुखापतीने मूल्यांकन करण्यासाठी वेळ लागणार असल्याचे, बीसीसीआयच्या वतीने सांगण्यात आले आहे. राहुल धावासाठी झगडत असल्याने त्याला न्यूझीलंड विरुद्धच्या बंगळुरू येथील कसोटीनंतर संघातून वगळण्यात आले होते. राहुलचा समावेश पुणे व मुंबई येथील कसोटीमध्ये करण्यात आला नव्हता. त्यामुळे संघातील स्थान निश्चित करण्यासाठी राहुल सातत्याने प्रयत्न करत आहे.

राहुलला बॉर्डर-गावस्कर करंडक स्पर्धेपूर्वी ऑस्ट्रेलियातील वातावरणाशी, खेळपट्ट्याशी जुळवून घेण्यासाठी ऑस्ट्रेलिया अ संघाविरुद्धच्या अनाधिकृत कसोटीत देखील स्थान देण्यात आले होते. मात्र, राहुलला संधी मिळवून देखील विशेष कामगिरी करता आली नव्हती. राहुलने कसोटीमध्ये डिसेंबर 2023 मध्ये शेवटचे शतक दक्षिण आफ्रिकेतील सेन्चुरियन मैदानावर झळकावले होते.

Retirement : अनुभवी वेगवान गोलंदाजाची कसोटीतून निवृत्तीची घोषणा, ‘या’ महत्वाच्या मालिकेनंतर Test क्रिकेटला करणार अलविदा…

टी-20 संघात पुनरागमन करण्याची आशा

लोकेश राहुल सध्याच्या घडीला केवळ कसोटी संघाचा भाग आहे. मात्र त्याला भारतीय संघाचे तीनही प्रकारांमध्ये प्रतिनिधित्व करायचे आहे. भारताच्या टी-20 संघातून मी बाहेर आहे, सध्या केवळ कसोटी संघाचा भाग आहे. त्यामुळे मला मी खेळाडू म्हणून कुठे आहे याची पूर्ण कल्पना आहे. तिन्ही प्रकारांमध्ये कशा प्रकारे राष्ट्रीय संघात स्थान मिळविता येईल यासाठी मी प्रयत्नशील असल्याचे एका वृत्त वाहिनीशी बोलताना लोकेश राहुलने सांगितले.