Bollywood Party Track 2025 : २०२५ हे वर्ष बॉलिवूड संगीतासाठी खूपच धमाकेदार ठरले. हाय-एनर्जी बीट्स, लक्षात राहणारे हुक स्टेप्स आणि ग्लॅमरस आयटम सॉंग्समुळे अनेक पार्टी गाणी लग्नसमारंभ, क्लब्स आणि सोशल मीडिया रील्सवर जबरदस्त लोकप्रिय ठरली.या वर्षी तमन्ना भाटिया आयटम सॉंग्सची क्वीन ठरली, तर रिमेक गाणी आणि नवे म्युझिक कोलॅबोरेशन्स यांनी म्युझिक चार्ट्सवर वर्चस्व गाजवले. अरबी रॅप आणि हाय-एनर्जी गाणी वर्षाची सुरुवात फिल्म ‘धुरंधर’मधील गाणे ‘फस्ला’ याने झाली. बहरीनचा रॅपर फ्लिपराची याने गायलेले हे अरबी हिप-हॉप गाणे त्याच्या कूल वाइबमुळे लगेच व्हायरल झाले. अक्षय खन्नाच्या मोकळ्या डान्स स्टेप्समुळे हे पार्टीसाठी परफेक्ट ठरले. त्यानंतर आर्यन खानच्या डेब्यू प्रोजेक्ट ‘द बॅड्स ऑफ बॉलिवूड’मधील ‘गफूर’ गाणेही प्रचंड गाजले. शिल्पा राव आणि उज्ज्वल गुप्ता यांच्या आवाजासोबत तमन्ना भाटियाचे स्टायलिश डान्स मूव्ह्स या गाण्याला क्लब्सचा सुपरहिट ट्रॅक बनवून गेले. पार्टी स्टार्टर आणि रिमेक हिट्स अक्षय कुमारच्या ‘हाऊसफुल 5’ मधील ‘लाल परी’ हे वर्षातील सर्वात मजेशीर पार्टी स्टार्टर गाण्यांपैकी एक ठरले. यो यो हनी सिंहने गायलेले आणि कंपोज केलेले हे गाणे डान्स फ्लोअरची जान बनले. तसेच वरुण धवन आणि जान्हवी कपूरच्या ‘सनी संस्कारी की तुलसी कुमारी’ चित्रपटातील ‘बिजुरिया’ या गाण्याने जुन्या आठवणी ताज्या केल्या. तनिष्क बागचीने रिक्रिएट केलेले हे गाणे लग्नसमारंभ आणि क्लब्समध्ये खास आवडीचे ठरले. सरप्राइझ अँथम आणि आयटम सॉंग्स फिल्म ‘आजाद’मधील ‘उई अम्मा’ हे गाणे २०२५ चे सरप्राइझ पार्टी अँथम ठरले. मधुबंती बागचीचा आवाज आणि अमित त्रिवेदीचे संगीत यामुळे चित्रपट अपयशी ठरला तरी हे गाणे प्रचंड लोकप्रिय झाले. दुसरीकडे, अजय देवगनच्या ‘रेड 2’ मधील ‘नशा’ हे वर्षातील सर्वात गाजलेले आयटम सॉंग ठरले. जैस्मिन संदलस आणि सचेत टंडन यांच्या आवाजासोबत तमन्ना भाटियाच्या बोल्ड डान्स मूव्ह्समुळे हे गाणे बॅचलर पार्टींचे फेवरेट बनले. तसेच ऋतिक रोशन आणि कियारा अडवाणीच्या ‘वॉर 2’ मधील ‘आवां जावां’ हे रोमँटिक पार्टी सॉंगही प्रेक्षकांना खूप आवडले.
