Bollywood News :   पहिला चित्रपट ‘आशिकी’ 1990 साली प्रदर्शित झाला होता. या चित्रपटाला 33 वर्षांपूर्वी पूर्ण झाले असावे. महेश भट्ट यांच्या दिग्दर्शनाखाली बनलेल्या या चित्रपटाच्या कथेपासून ते गाण्यांपर्यंत आजही प्रसिद्ध आहे. त्यानंतर 2013 मध्ये मोहित सूरी दिग्दर्शित ‘आशिकी 2’ रिलीज झाला.

हा चित्रपटही प्रेक्षकांच्या पसंतीस उतरला होता. आता ‘आशिकी 3’ची तयारी सुरू आहे. कार्तिक आर्यन आधीच फायनल झाला आहे. तर या चित्रपटासाठी अभिनेत्रीचाही शोध गेल्या कित्येक दिवसापासून सुरु होता, जो आता पूर्ण झाला आहे. कार्तिक पडद्यावर सुपर हॉट अभिनेत्री तारा सुतारियासोबत रोमान्स करतांना  दिसणार आहे.

फिल्मफेअरच्या वृत्तानुसार, या चित्रपटात कार्तिकसोबत तारा सुतारियाला फायनल करण्यात आले आहे. असे झाल्यास कार्तिक आणि तारा पहिल्यांदाच एका चित्रपटात एकत्र दिसणार आहेत. मात्र, अद्याप या चित्रपटाच्या निर्मात्यांकडून अधिकृत नाव समोर आलेले नाही.

चित्रपटाच्या प्री-प्रॉडक्शनचे काम सुरू असून, शूटिंग जानेवारीपासून सुरू होणार आहे
मीडिया रिपोर्ट्सनुसार, पुढच्या वर्षी जानेवारीपासून या चित्रपटाचे शूटिंग सुरू होणार आहे. आशिकी 3 चे निर्माता आणि टी-सिरीजचे मालक भूषण कुमार यांनीही सांगितले की, सध्या चित्रपटाच्या प्री-प्रॉडक्शनचे काम सुरू आहे. आशिकी फ्रँचायझी त्याच्या संगीतासाठी ओळखली जाते. अशात चित्रपटाच्या संगीतावर विशेष लक्ष दिले जात आहे.

‘आशिकी 3’  घोषणेपासूनच या चित्रपटाच्या लीड रोलची चर्चा सुरू आहे. प्रमुख भूमिकेसाठी श्रद्धा कपूर, टीव्ही अभिनेत्री जेनिफर विंगेट, सारा अली खान, कतरिना कैफ आणि दीपिका पदुकोणसह अनेक अभिनेत्रींची नावे पुढे आली आहेत. मात्र, अद्याप कोणाच्याही नावाची पुष्टी झालेली नाही.