Bollywood News । अनिल कपूरने ‘हाऊसफुल 5’ हा चित्रपट सोडल्याची बातमी आहे. अनिल कपूरचा चित्रपटाचा निर्माता साजिद नाडियादवाला यांच्यासोबत फीसवरून वाद झाला होता. ‘वेलकम’ आणि ‘वेलकम बॅक’ या चित्रपटानंतर नाना पाटेकर आणि अनिल कपूर ही हिट जोडी ‘हाऊसफुल 5’मध्ये दिसणार होती. चाहतेही खूप उत्सुक होते. पण आता असं होणार नाही असं दिसतंय कारण अनिल कपूने हा चित्रपट सोडणार असल्याच्या माहिती चर्चेत आहे.

हाऊसफुल 5 मध्ये अक्षय कुमार, रितेश देशमुख आणि अभिषेक बच्चन यांच्यासोबत नाना पाटेकर आणि अनिल कपूर देखील होते. चाहते या चित्रपटाची आतुरतेने वाट पाहत होते. पण वृत्तानुसार, साजिद नाडियादवाला आणि अनिल कपूर यांच्यात पैशांवरून एकमत नाही आणि यामुळे अनिल कपूरने ‘हाऊसफुल 5’ सोडला आहे. अनिलने ‘हाऊसफुल 5’साठी मागितलेली फी साजिद नाडियादवालाला मान्य नव्हती. यामुळे अनिलने चित्रपट सोडला आहे.

त्यामुळे निर्माते चित्रपटातील नाना पाटेकर यांच्या व्यक्तिरेखेवर पुन्हा काम करत असल्याचे बोलले जात आहे. या चित्रपटात तिची अनिल कपूरसोबतची केमिस्ट्री दाखवली जाणार असल्याने त्याची व्यक्तिरेखा पुन्हा लिहिली जात आहे. आता अनिल कपूरच्या भूमिकेसाठी अर्जुन रामपालसोबत चर्चा सुरू असल्याचे सांगण्यात येत आहे. मात्र, निर्मात्यांकडून अद्याप काहीही सांगण्यात आलेले नाही.
दरम्यान, ‘हाऊसफुल 5’ चे दिग्दर्शन तरुण मनसुखानी करणार असून त्याची शूटिंग ऑगस्टपासून यूकेमध्ये सुरू होणार आहे. 2025 मध्ये दिवाळीच्या मुहूर्तावर ‘हाऊसफुल 5’ रिलीज होणार असल्याची चर्चा आहे.