bollywood । बॉलिवूड अभिनेत्री तमन्ना भाटिया नेहमीच चर्चेत असते. मात्र यावेळी  ती वाढत्या अडचणींमुळे चर्चेत आहे. अभिनेता संजय दत्तनंतर आता तमन्ना भाटियाचेही नाव आयपीएल मॅच स्ट्रीमिंग प्रकरणात सामील झाले आहे.

महाराष्ट्र सायबर सेलने तमन्नाला समन्स पाठवले आहे. या अभिनेत्रीला महाराष्ट्र सायबर शाखेने २९ एप्रिल रोजी चौकशीसाठी बोलावले आहे. जिथे तिला या संदर्भात प्रश्न विचारले जातील. या प्रकरणाने तमन्नाच्या अडचणी वाढताना दिसत आहे.

मिळालेल्या माहितीनुसार, फेअर प्ले ॲपवर आयपीएल 2023 च्या बेकायदेशीर स्ट्रीमिंग प्रकरणी तमन्नाची चौकशी केली जाईल, ज्यामुळे वायाकॉमला कोट्यवधी रुपयांचे नुकसान सहन करावे लागले होते. त्याला साक्षीदार म्हणून बोलावले जात असल्याचे समजते. चौकशीदरम्यान, फेअरप्लेसाठी तिच्याशी कोणी संपर्क साधला होता आणि त्यासाठी तिला किती पैसे दिले होते, अशी विचारणा अभिनेत्रीला केली जाईल. तमन्ना भाटियाने फेअरप्लेचे प्रमोशन केले होते.

एएनआयने आपल्या ट्विटद्वारे ही माहिती सर्वांना दिली आहे. मात्र, या प्रकरणात केवळ तमन्नाचेच नाव नाही, तर तिच्या आधी संजय दत्तलाही समन्स पाठवण्यात आले होते. ज्यावर संजय दत्त म्हणाला की, तो सध्या मुंबईत नाही, त्यामुळे दिलेल्या तारखेला तो हजर राहू शकणार नाही. संजय दत्तने जबाब नोंदवण्यासाठी आणखी एक तारीख आणि वेळ मागितली आहे.

एका वृत्तानुसार, वायाकॉमने महाराष्ट्र सायबर सेलमध्ये अभिनेत्रीविरोधात ही तक्रार दाखल केली आहे. इतकंच नाही तर तमन्ना आणि संजय दत्तच्या आधी या प्रकरणात रॅपर बादशाहचा जबाबही नोंदवण्यात आला आहे. फेअर प्लेमुळे वायाकॉमला 100 कोटी रुपयांचे नुकसान झाल्याचे सांगण्यात येत आहे.

हे वाचले का ?‘हिंदू देवी-देवतांच्या नावावर मते मागितली नाहीत’, म्हणत निवडणूक आयोगाकडून पंतप्रधान मोदींना दिली क्लीन चिट