चेन्नई – ब्लू स्टार कंपनी एसीच्या किमती आणखी वाढणार आहे. कंपनीचे व्यवस्थापकीय संचालक बी त्यागराजन यांनी सांगितले की, वाहतूक खर्च वाढल्यामुळे आणि कच्च्या मालाच्या किमती वाढल्यामुळे कंपनीला पुन्हा दरवाढ करावी लागणार आहे. त्याच कारणामुळे कंपनीने या अगोदर आपल्या काही उत्पादनांची किंमत वाढविली होती.कंपनीने आज किफायतशीर दरात काही उत्पादने सादर केल्यानंतर त्यागराजन म्हणाले की, या वर्षी कंपनीचा महसूल 25 टक्क्यांनी वाढण्याची शक्यता आहे. एसीसाठी लागणारे पोलाद, तांबे, प्लास्टिकचे दर वाढले आहेत. त्याचबरोबर सागरी वाहतुकीचा व देशांतर्गत वाहतुकीचा दरही वाढला असल्यामुळे दरवाढ करावी लागणार आहे.
