BJP MLA T Ram ।  उत्तर प्रदेशातील बहुजन समाज पक्षाच्या सरकारच्या काळात झालेल्या १४०० कोटी रुपयांच्या कथित स्मारक घोटाळ्यात भारतीय जनता पक्षाचे आमदार अडकल्याचे दिसत आहे. स्मारक घोटाळ्याप्रकरणी अंमलबजावणी संचालनालयाने आमदार टी राम यांना समन्स बजावले आहे.

टी राम यांच्या भूमिकेवर ईडीने प्रश्न उपस्थित BJP MLA T Ram ।

वाराणसीच्या अजगरा विधानसभा मतदारसंघातील भाजप आमदार टी राम यांच्या भूमिकेवर ईडीने प्रश्न उपस्थित केले आहेत. 14 अब्ज रुपयांच्या स्मारक घोटाळ्याची चौकशी करणाऱ्या अंमलबजावणी संचालनालयाने सार्वजनिक बांधकाम विभागाचे तत्कालीन मुख्य अभियंता त्रिभुवन राम यांनाही समन्स बजावले आहे.

दिवाळीपूर्वी ईडीसमोर हजर राहण्याचे आदेश BJP MLA T Ram ।

सूत्रांनी दिलेल्या माहितीनुसार, अभियंता आणि आमदार या दोघांनाही दिवाळीपूर्वी ईडीसमोर हजर राहण्यास सांगण्यात आले आहे. ईडीने खाण खात्याचे तत्कालीन सहसंचालक आणि सल्लागार सुहेल अहमद फारुकी यांनाही समन्स बजावले आहे.

या सगळ्यात भाजप आमदाराने आपला काहीही संबंध नसल्याचे म्हटले आहे. यासंदर्भातील कोणत्याही समितीत आपला सहभाग नसल्याचे त्यांनी यापूर्वीच आपल्या निवेदनात स्पष्ट केले आहे.