Bhagat Singh Koshyari :  प्रजासत्ताक दिनाच्या पूर्वसंध्येला पद्मश्री, पद्मभूषण आणि पद्मविभूषण पुरस्कारांची घोषणा करण्यात आली आहे. विविध क्षेत्रांमध्ये काम करणाऱ्या दिग्गजांना पद्म पुरस्कारांनी दिल्लीत राष्ट्रपती द्रौपदी मुर्मू यांच्या हस्ते गौरवण्यात येणार आहे. 2026 साठी एकूण 5 पद्मविभूषण, 13 पद्मभूषण आणि 113 पद्मश्री पुरस्कारांची घोषणा झाली आहे.

यामध्ये पाच राजकीय नेत्यांचा देखील समावेश आहे. महाराष्ट्राचे माजी राज्यपाल भगतसिंह कोश्यारी यांना केंद्र सरकारकडून पद्मभूषण पुरस्कार जाहीर झाला आहे. यावरून शिवसेना ठाकरे गटाचे खासदार संजय राऊत यांनी भाजपवर टीका केली आहे.

याच महाशयांनी छत्रपती शिवाजी महाराज व महात्मा फुले दाम्पत्याचा अपमान केला होता. महाराष्ट्राचा अपमान करणाऱ्यांचा भाजपा सन्मान करते! छान! असं ट्वीट करत संजय राऊतांनी भाजपवर टीका केली आहे.

संजय राऊत यांचे ट्वीट –

‘महाराष्ट्रात लोकशाही आणि भारतीय संविधानाची हत्या करून शिंदे-भाजपचे सरकार बसवल्याबद्दल या महाशयांना (भगतसिंह कोश्यारी) मोदी सरकारने पद्म भूषण किताबाने सन्मानित केले. याच महाशयांनी छत्रपती शिवाजी महाराज व महात्मा फुले दाम्पत्याचा अपमान केला होता! महाराष्ट्राचा अपमान करणाऱ्यांचा भाजपा सन्मान करते! छान!’ असे म्हणत संजय राऊत यांनी भाजपवर टीका केली आहे.

महाराष्ट्रात लोकशाही आणि भारतीय संविधानाची हत्या करून शिंदे भाजपचे सरकार बसवल्याबद्दल या महाशयांना मोदी सरकारने पद्म भूषण किताबाने सन्मानित केले
याच महाशयांनी छत्रपती शिवाजी महाराज व महात्मा फुले दाम्पत्याचा अपमान केला होता!
महाराष्ट्राचा अपमान करणऱ्यांचा भाजपा सन्मान करते!
छान! pic.twitter.com/5xrZ0u6c9q

— Sanjay Raut (@rautsanjay61) January 25, 2026

 महाविकास आघाडी सरकार काळात राज्यपाल भगतसिंह कोश्यारी चर्चेत

भगतसिंह कोश्यारी हे भाजपचे ज्येष्ठ नेते आहेत. ते 2019 ते 2023 या काळात महाराष्ट्राचे राज्यपाल होते. राज्यपाल म्हणून ते संपूर्ण राज्यात चांगलेच चर्चेत राहिले. महाविकास आघाडी सरकार काळात राज्यपाल भगतसिंह कोश्यारी चर्चेत होते.

मुख्यमंत्री देवेंद्र फडणवीस उपमुख्यमंत्री अजित पवार यांच्या पहाटेच्या शपथविधीच्या वेळीदेखील भगतसिंह कोश्यारी यांनी त्यांना शपथ दिली होती. उपमुख्यमंत्री एकनाथ शिंदे यांच्या नेतृत्वातील सरकार स्थापनेवेळी देखील भगतसिंह कोश्यारी हे महाराष्ट्राचे राज्यपाल होते.

2019 ते 2023 या काळात महाराष्ट्राचे राज्यपाल असताना कोश्यारी यांनी विधान परिषदेच्या जागांची निवडणूक अडवून धरली होती. तसेच त्यांनी मुख्यमंत्री उद्धव ठाकरे यांच्या कारकीर्दीत अनेकदा महाविकास आघाडी सरकारला अडचणीत आणले होते. Bhagat Singh Koshyari :

Republic Day 2026 | “विकसित भारताचा संकल्प आणखी दृढ व्हावा”; पंतप्रधान नरेंद्र मोदींकडून प्रजासत्ताक दिनाच्या शुभेच्छा

वादग्रस्त विधान 

भगत सिंग कोश्यारी यांनी राष्ट्रपुरुष महात्मा फुले आणि सावित्रीबाई फुले यांच्याबद्दल गैरउद्गगार काढले होते. तसेच छत्रपती शिवाजी महाराज यांच्याविषयी केलेल्या विधानांमुळे मोठा वादंग झाला होता. कोश्यारी यांच्या विधानांमुळे ते कायमच वादग्रस्त राहिले होते. Bhagat Singh Koshyari :

महात्मा फुले व सावित्रीबाई फुले यांच्या बालविवाहावर अवमानकारक टिप्पणी केली होती, ज्यामुळे त्यांच्या राजीनाम्याची मागणी देखील करण्यात आली होती.

तसेच मुंबई शहरातून गुजराती लोक निघून गेले, त्यांनी पैसे काढून घेतले तर मुंबईचे काय होईल, मुंबईत पैसा शिल्लक राहील का? असेही विधान करत  त्यांनी मराठी अस्मितेला डिवचण्याचा प्रयत्न केला होता. Bhagat Singh Koshyari :

हेही वाचा : 

Pune Weather Update : पुण्यातून थंडीची एक्झिट? पारा वाढला, उकाडा वाढला; पाहा तुमच्या भागातील तापमान