Anil Agarwal Bihar IPL Team Demand : आयपीएल २०२६ मध्ये देशातील अनेक राज्यांचे संघ मैदानात आमनेसामने येत असतानाच, आता ‘बिहार’ राज्यालाही आयपीएलमध्ये स्वतःची स्वतंत्र फ्रेंचायझी मिळावी, अशी मोठी मागणी पुढे आली आहे. वेदांता समूहाचे अध्यक्ष आणि प्रसिद्ध भारतीय अब्जाधीश अनिल अग्रवाल यांनी हा महत्त्वपूर्ण प्रस्ताव मांडला आहे. सध्या आयपीएलमध्ये १५ वर्षांचा युवा फलंदाज वैभव सूर्यवंशी, यष्टीरक्षक इशान किशन आणि वेगवान गोलंदाज साकिब हुसैन हे बिहारचे खेळाडू आपल्या कामगिरीने धुमाकूळ घालत आहेत. याच टॅलेंटच्या जोरावर अनिल अग्रवाल यांनी बिहारच्या आयपीएल संघासाठी कंबर कसली आहे. इशान, वैभव अन् साकिबचा दाखला; सोशल मीडियावर पोस्ट व्हायरल अब्जाधीश अनिल अग्रवाल यांनी सोशल मीडिया प्लॅटफॉर्म ‘एक्स’वर एक सविस्तर पोस्ट शेअर करत थेट प्रश्न उपस्थित केला. त्यांनी लिहिले, “तुम्हाला असं वाटत नाही का की चेन्नई सुपर किंग्स, मुंबई इंडियन्स आणि कोलकाता नाइट राइडर्सप्रमाणे बिहारचाही स्वतःचा एक शानदार आयपीएल संघ असायला हवा? बिहारच्या भूमीने देशाला अनेक विलक्षण क्रिकेटपटू दिले आहेत. पाटण्यात जन्मलेल्या इशान किशनने वनडेत सर्वात वेगवान द्विशतक झळकावले. समस्तीपुरच्या वैभव सूर्यवंशीने सर्वात तरुण आयपीएल खेळाडू बनण्याचा बहुमान मिळवला, तर गोपालगंजच्या साकिब हुसैनच्या गोलंदाजीवर संपूर्ण जगाची नजर खिळली आहे.” क्या आपको नहीं लगता Chennai Super Kings, Mumbai Indians और Kolkata Knight Riders की तरह बेमिसाल बिहार की भी एक टीम होनी चाहिए? बिहार की मिट्टी ने देश को बहुत से बेहतरीन क्रिकेट खिलाड़ी दिए हैं। पटना में जन्मे ईशान किशन ने सबसे कम गेंदों में ODI double century लगाई। समस्तीपुर… pic.twitter.com/bgScCh40Zd — Anil Agarwal (@AnilAgarwal_Ved) May 22, 2026 “क्रिकेटमध्ये बिहारला अजूनही हक्क का मिळाला नाही?” बिहार हा देशातील सर्वाधिक लोकसंख्या असलेल्या राज्यांपैकी एक असून, केवळ याच आधारावर तो आयपीएलमध्ये सामील होण्यास पात्र आहे, असे अग्रवाल यांनी ठामपणे सांगितले. आपल्या भावना व्यक्त करताना ते पुढे म्हणाले, “एक गोष्ट मला नेहमी खटकते की, क्रिकेटमध्ये आपल्या बिहारला अजूनही हक्काची ओळख का मिळालेली नाही? बिहारच्या तरुणांना प्रत्येक क्षेत्रात सर्वोत्तम कामगिरी करण्याची संधी मिळावी आणि आमच्या खेळाडूंना जागतिक दर्जाच्या सुविधा बिहारमध्येच मिळाव्यात, हे माझे स्वप्न आहे. जर मुलांना योग्य प्रेरणा मिळाली, तर बिहारचा संघ जगातील सर्वोत्तम संघ बनेल.” हेही वाचा – Vinesh Phogat Relief : “आई होणं हा गुन्हा नाही!”; विनेश फोगाटला रोखणाऱ्या कुस्ती महासंघाला दिल्ली हायकोर्टाने झापलं अनिल अग्रवाल यांचे बिनशर्त पाठिंब्याचे आश्वासन बिहार हे माझ्यासाठी केवळ एक राज्य नसून ती एक भावना आहे, असे सांगत अनिल अग्रवाल यांनी बिहार क्रिकेटला पुढे नेण्यासाठी स्वतःहून आर्थिक आणि संस्थात्मक पातळीवर ‘बिनशर्त पाठिंबा’ देण्याचे जाहीर केले आहे. आता वेळ आली आहे की आपल्या मातीतील टॅलेंट जगासमोर चमकावे, असे म्हणत त्यांनी बिहारच्या क्रिकेट पाठीशी खंबीरपणे उभे राहण्याचा निर्धार केला आहे. अब्जाधीशाच्या या मोठ्या प्रस्तावानंतर बीसीसीआय आता आयपीएलमध्ये बिहारच्या नव्या संघाचा विचार करणार का, याकडे क्रीडा विश्वाचे लक्ष लागले आहे.
