नवी दिल्ली : बिहार पंचायत पोटनिवडणुकीच्या तारखा जाहीर झाल्या आहे. पंचायत पोटनिवडणुकीसाठी 25 मे रोजी मतदान होणार आहे. मात्र निवडणुकीच्या अगोदरच बिहारमधून धक्कादायक बातमी समोर आली आहे. जेडीयूच्या बड्या नेत्याची गोळी झाडून हत्या करण्यात आली असल्याचे सांगण्यात येत आहे.

जेडीयूचे नेते कैलाश महतो यांची कटिहारमध्ये गोळी झाडून हत्या करण्यात आली आहे. दुचाकीवरुन आलेल्या अज्ञात व्यक्तींनी जेडीयूचे माजी जिल्हा सरचिटणीस कैलाश महतो यांच्यावर गोळीबार केला. काल रात्री ही घटना घडली असल्याचे पोलिसांनी सांगितले. या हल्ल्यात त्यांना दोन ते तीन गोळ्या लागल्या आहेत.

Bihar | JD(U) leader Kailash Mahto was shot dead in Katihar yesterday. The incident took place in Katihar's Barari Police Station area. We have started an investigation and the accused will be arrested soon. Around 4-5 round of firing was done. Further details can only be given… pic.twitter.com/xx3NBcTa2p

— ANI (@ANI) April 28, 2023

याप्रकरणी बरारी पोलीस ठाण्यात गुन्हा दाखल करण्यात आला आहे. दोन अज्ञात व्यक्तींनी एका फार्म हाऊसजवळ कैलास महतो यांच्यावर गोळीबार केला. जखमी अवस्थेत त्यांना जवळच्या रुग्णालयात येण्यात आले. पण उपचार सुरु असतानाच त्यांचा मृत्यू झाला. अशी माहिती पोलिसांनी दिली आहे.

७० वर्षीय कैलास महतो यांच्या पोटाला आणि डोक्याला गोळी लागली. जमीनीच्या आर्थिक व्यवहारावरुन हा हल्ला झाला असल्याचा प्राथमिक अंदाज पोलिसांनी व्यक्त केला आहे.