Govt Scheme: जेव्हा जेव्हा चहाची चर्चा होते तेव्हा फक्त आसाम, गुवाहाटी, दार्जिलिंग आणि जम्मू-काश्मीरचा विचार येतो. पण या राज्यांव्यतिरिक्त आता बिहारमध्येही चहाची लागवड केली जात आहे. खरेतर, बिहार सरकार शेतकऱ्यांचे उत्पन्न दुप्पट करण्यासाठी बागायती आणि व्यावसायिक पिकांच्या लागवडीला प्रोत्साहन देण्यासाठी 2.5 लाख रुपयांपर्यंत अनुदान देत आहे. येथे सुमारे 25 हजार हेक्टरवर चहाची लागवड केली जाते.

शेतकऱ्यांना मदत करण्यासाठी शासकीय अनुदान –

भारतातील विविध राज्यात पिकणारा चहा जगभर प्रसिद्ध आहे. आसाम, गुवाहाटी, दार्जिलिंग आणि जम्मू-काश्मीरमध्ये चहाची सर्वाधिक लागवड केली जाते. भारताबरोबरच परदेशातही या चहाचे चाहते आहेत. आता चहाची लागवड करणाऱ्या राज्यांमध्ये बिहार राज्याचे नावही सामील झाले आहे. बिहार सरकार “विशेष फलोत्पादन पीक योजना” अंतर्गत चहाचे क्षेत्र वाढवण्यासाठी शेतकऱ्यांना अनुदान देत आहे.

चहाची मागणीत झपाट्याने वाढ –

बिहारमध्ये सुमारे 25,000 हेक्टरमध्ये चहाची लागवड केली जाते. त्यासाठी चार जिल्ह्यांची निवड करण्यात आली आहे.

किती टक्के अनुदान दिले जाईल?

विशेष फलोत्पादन पीक योजनेंतर्गत, बिहार उद्यान विभाग शेतकऱ्यांना चहाच्या लागवडीसाठी 50 टक्के अनुदान देत आहे. यामध्ये चहाच्या लागवडीसाठी प्रति हेक्टरी निविष्ठा खर्च 4 लाख 94 हजार रुपये उद्यान विभागाने निश्चित केला आहे. यावर शेतकऱ्याला खर्चाच्या 50 टक्के अनुदान म्हणजेच प्रति हेक्टर 2 लाख 47 हजार रुपये देण्यात येणार आहेत. ही रक्कम शेतकऱ्यांना 75:25 या प्रमाणात दोन हप्त्यांमध्ये दिली जाईल.

त्याचबरोबर या योजनेंतर्गत 150 हेक्टर क्षेत्रात चहाची लागवड करण्याचे उद्दिष्ट ठेवण्यात आले आहे. एक हेक्टरमध्ये चहाची लागवड करण्यासाठी 15526 झाडे लागतील. या योजनेवर शासनाकडून 9 कोटी 49 लाख रुपये खर्च केले जाणार आहेत.

बिहारमधील या जिल्ह्यांमध्ये शेती केली जाणार –

बिहारमधील अररिया, सुपौल, पूर्णिया आणि कटिहार जिल्ह्यातील शेतकऱ्यांना या योजनेचा लाभ मिळणार आहे. या चार जिल्ह्यांतील शेतकरी या योजनेचा लाभ घेऊ शकतात. याआधी बिहारच्या किशनगंजमध्ये चहाची लागवड केली जात होती. किशनगंजच्या आसपासचे जिल्हे चहासाठी चांगले असल्याचे आढळल्यानंतर बिहार सरकारने हा निर्णय घेतला आहे. त्याचबरोबर या चार जिल्ह्यांमध्ये चहाच्या लागवडीचा विस्तार करण्यासाठी कृषी विभागाने आराखडा तयार केला आहे. यासोबतच चहाची लागवड करणाऱ्या शेतकऱ्यांना किमान 0.1 हेक्टर आणि कमाल 4 हेक्टर क्षेत्रासाठी अनुदान मिळणार आहे.

चहाच्या लागवडीसाठी अनुदान मिळवण्यासाठी ऑनलाइन अर्ज करता येतो. यासाठी बिहार फलोत्पादन विभागाच्या horticulture.bihar.gov.in या पोर्टलला भेट देऊन ऑनलाइन अर्ज करावा लागेल. त्याचबरोबर या योजनेशी संबंधित अधिक माहिती जिल्ह्याच्या सहाय्यक फलोत्पादन संचालकांकडून मिळेल.

या योजनेतील लाभार्थी शेतकऱ्यांना अनुदानाची रक्कम डीबीटीद्वारे पाठवली जाईल. त्यामुळे शेतकऱ्यांना आधी डीबीटी नोंदणी करावी लागणार आहे. 13 अंकी DBT क्रमांकासाठी शेतकऱ्यांना https://dbtagriculture.bihar.gov.in/ या लिंकवर नोंदणी करावी लागेल.