Govinda : बॅालिवूड अभिनेता गोविंदा गेल्या काही दिवसांपासून चांगलाच चर्चेत आला आहे. त्याची पत्नी सुनीता दोघांच्या नात्याबद्दल अनेक मोठे खुलासे करत आहे. अशातच आता गोविंदाची प्रकृती अचानक बिघडल्याची बातमी समोर आली आहे. त्याला प्रकृतीच्या कारणास्तव जुहूतील क्रिटिकेअर रुग्णालयात दाखल करण्यात आले आहे. चक्कर येऊन गोविंदा बेशुद्ध झाल्याने त्याला रुग्णालयात दाखल करण्यात आल्याची माहिती आहे. यामुळे गोविंदाच्या चाहत्यांना त्याची चिंता वाटू लागली आहे. बॅालिवूडचे दिग्गज अभिनेते धर्मेंद्र यांच्यावर रुग्णालयात उपचार सुरू असून अनेक सेलिब्रिटी त्यांना बघण्यासाठी जात आहेत. गोविंदा देखील धर्मेंद्र यांना बघण्यासाठी रुग्णालयात गेला होता. सध्या गोविंदाला रुग्णालयात भरती करण्यात आले असून त्याच्यावर उपचार आहेत. बेशुद्ध अवस्थेमध्ये त्याला रुग्णालयात दाखल करण्यात आले आहे. काही दिवसांपूर्वीच गोविंदाला पायाला गोळी लागल्याने त्याला रुग्णालयात दाखल करण्यात आले होते. त्यानंतर आता परत त्याच्यावर उपचार सुरू आहेत. गोविंदाचे वकील बिंदल यांनी याबद्दलची पुष्टी केली आहे. गोविंदा आणि पत्नी सुनिता यांच्याबद्दल अनेक चर्चा रंगताना पहायला मिळत आहेत. दोघांच्या घटस्फोटाच्या चर्चा रंगल्या असतानाच एका कार्यक्रमात दोधेही एकत्र दिसले. त्यामुळे चर्चांना पूर्णविराम मिळाला आहे. तसेच सुनिता नेहमीच तिच्या ब्लॉगमधून गोविंदावर सतत आरोप करत असते.
