आयसीसी चॅम्पियन्स ट्रॉफी 2025 मध्ये इंग्लंड संघाला मोठा धक्का बसला आहे. इंग्लंड संघाचा आणखी एक खेळाडू जखमी झाला आहे. इंग्लंडचा वेगवान गोलंदाज ब्रायडन कार्स दुखापतीमुळे स्पर्धेतून बाहेर पडला आहे. ब्रायडन कार्सच्या पायाच्या अंगठ्याला दुखापत झाली आहे. ज्यामुळे तो स्पर्धेतून बाहेर पडला आहे.ब्रायडन कार्सच्या जागी रेहान अहमदला संघात स्थान देण्यात आले आहे.

ब्रायडन कार्स हा इंग्लंडच्या वेगवान गोलंदाजीच्या ताफ्यातील एक महत्त्वाचा खेळाडू होता पण त्याच्या दुखापतीमुळे संघाचे मोठे नुकसान झाले. ब्रायडन कार्स स्पर्धेतून बाहेर पडल्याने इंग्लंडला पहिल्याच सामन्यात पराभव स्वीकारावा लागला.या सामन्यात इंग्लंडने चॅम्पियन्स ट्रॉफीच्या इतिहासातील सर्वोच्च धावसंख्या केली. मात्र त्यांना ऑस्ट्रेलियाकडून पराभव पत्करावा लागला होता.

इंग्लडसमोर अफगाणिस्तान आणि दक्षिण आफ्रिकेचे आव्हान
इंग्लंडचे या स्पर्धेतील उर्वरित सामने दक्षिण आफ्रिका आणि अफगाणिस्तानसोबत होणार आहेत. दक्षिण आफ्रिकेच्या संघाने आपला पहिला सामना जिंकला. मात्र या सामन्यात अफगाणिस्तानने क्षिण आफ्रिकेला जोरदार झुंज दिली होती. यामुळे इंग्लडसमोर या २ संघाचे मोठे आव्हान असणार आहे.