Urfi Javed : सोशल मीडिया इन्फ्लुएंसर उर्फी जावेद सतत तिच्या अनोख्या ड्रेसिंग स्टाइलमुळे चर्चेत असते. नुकताच तिने तिच्यासोबत घडलेल्या एका भयानक घटनेचा खुलासा केला आहे. त्यामुळे ती पुन्हा एकदा चर्चेत आली आहे. उर्फी सोमवारी थेट पोलीस स्टेशनमध्ये पोहचली आणि तिने तिच्या इंस्टाग्राम स्टोरीवर मुंबई पोलीस स्टेशनचा फोटो शेअर केला. यानंतर तिच्यासोबत नेमकं काय घडलं आहे? वेगवेगळ्या चर्चा सुरू झाल्या. तसेच तिच्या चाहत्यांना देखील काळजी वाटत होती. अखेर उर्फीने नेमंक काय घडलं होतं? याबाबत खुलासा केला आहे. सोमवारी उर्फी जावेदने तिच्या इन्स्टाग्राम अकाऊंटवरून पोलीस स्टेशनचा फोटो पोस्ट केला. सकाळचे ५ वाजले आहेत आणि मी पोलिस स्टेशनमध्ये आहे. आयुष्यातला सर्वात भीतीदायक अनुभव आला. मी आणि माझ्या बहिणी एक मिनिटही झोपू शकलेलो नाही. सर्वात भयानक अनुभव…मला वाटलेलं मुंबई सुरक्षित आहे. एकाच आठवड्यात मला आलेला सर्वात घाणेरडा आणि भयानक अनुभव आहे, असे तिने पोस्टमध्ये म्हटले आहे. एका वृत्तावाहिनीला दिलेल्या बाईटमध्ये उर्फीने तिच्यासोबत घडलेला प्रकार शेअर केला आहे. रात्री साडेतीन वाजताची घटना आहे. डॅाली आणि आसफी या माझ्या बहिणींसोबत मी घरात होते. अचानक आमच्या दरवाजाची बेल वाजली. १० मिनिटे ही बेल वाजत होती. त्यानंतर तिने दरवाजा उघडला आणि बाहेर उभा असलेला एक व्यक्ती आतमध्ये यायचा प्रयत्न करत होता, असे उर्फीने सांगितले. त्याच्यासोबत आणखी एक व्यक्ती होती. ती कोपऱ्यात बसली होती. उर्फीने त्यांना निघून जाण्यास सांगितले तरी ते जागचे हलतच नव्हते. अखेर तिने पोलिसांना फोन करण्याची धमकी दिली. त्यानंतर ते तिथून निघून गेले. याबाबत उर्फीने पोलिस स्टेशनमध्ये कंप्लेंट दिली असून, तसंच हाऊसिंग सोसायटीकडेही तक्रार केली आहे. तिच्यासोबत घडलेल्या या धक्कादायक प्रकारामुळे ती व्यथित झाली असून तिने एकट्या राहणाऱ्या मुलींविषयी काळजी व्यक्त केली आहे. हेही वाचा : अखेर प्रतिक्षा संपली! ठाकरे बंधुंच्या युतीच्या घोषणेची वेळ आणि तारीख ठरली…
