नवी दिल्ली – लोकसभा निवडणुकीच्या प्रचारासाठी पंतप्रधान नरेंद्र मोदी आज पुन्हा एकदा महाराष्ट्राच्या दौऱ्यावर येणार आहेत. मोदींची पहिली सभा वर्धा येथे पार पडली. त्यानंतर आज मोदी हे महाराष्ट्रातील गोंदिया येथे सांयकाळी 7 वाजता सभेसाठी येत आहे, आणि नरेंद्र मोदी यांनी सभेला येण्याआधी पुन्हा एकदा मराठीतून ट्विट केले आहे. यावेळी त्यांनी ट्विटमधून काँग्रेस-राष्ट्रवादीवर टीकासुध्दा केली आहे.
पंतप्रधान मोदी यांनी ट्विटमध्ये म्हटले आहे की, “पुन्हा एकदा महाराष्ट्रात येतोय् ! गोंदिया येथे आज आपल्याशी संवाद साधेन!काँग्रेस-राष्ट्रवादी ही गरिबहित-विरोधी आघाडी आहे. जनतेशी त्यांची कधीही बांधिलकी नव्हती, ना त्यांच्या नेत्यांची कधी जनतेशी नाळ जुळली. म्हणूनच आज महाराष्ट्रातील जनता महायुतीच्या पाठिशी भक्कमपणे उभी आहे”.
पुन्हा एकदा महाराष्ट्रात येतोय् !
गोंदिया येथे आज आपल्याशी संवाद साधेन!
काँग्रेस-राष्ट्रवादी ही गरिबहित-विरोधी आघाडी आहे. जनतेशी त्यांची कधीही बांधिलकी नव्हती, ना त्यांच्या नेत्यांची कधी जनतेशी नाळ जुळली. म्हणूनच आज महाराष्ट्रातील जनता महायुतीच्या पाठिशी भक्कमपणे उभी आहे.— Narendra Modi (@narendramodi) April 3, 2019
दरम्यान, राज्यातील लोकसभेच्या 48 जागा जिंकण्यासाठी सर्वच पक्षांनी कंबर कसली आहे. यात भाजप-शिवसेना युती देखील मागे नाही. यासाठीच मोदी राज्यात 8 सभा घेणार आहेत. त्यापैकी पहिली सभा वर्धा येथे झाली असून दुसरी सभा आज गोंदिया येथे सायंकाळी 7 वाजता होणार आहे.