बारामती – बारामती तालुक्यातील झारगडवाडी येथील रामा १२० धुळदेव माणिक बोरकर या रोडकडे जाण्यासाठी रस्त्याच्या दोन्ही बाजूंनी खोदकाम करण्यात आले आहे. त्यामुळे थ्री व्हीलर, फोर व्हीलर वाहने जाणे बंद झाले आहे. याचा फटका एका वयोवृद्ध व्यक्तीला बसला आहे. रुग्णवाहिका वयोवृद्ध व्यक्तीच्या घरापर्यंत जाण्यास अडचण होत असल्याने त्यांना मोठा मनस्ताप सहन करावा लागला.

धनाजी बोरकर (वय 77) असे या वयोवृद्ध व्यक्तीचे नाव आहे. त्यांच्या छातीत दुखू लागले, तसेच धाप भरू लागल्यामुळेत्यांना तातडीने रुग्णालयात नेण्यासाठी 108 नंबरला फोन करून रुग्णवाहिका बोलवण्यात आली होती, मात्र रस्त्याच्या दोन्ही बाजूला अतिक्रमण करण्यात आल्याने त्यांना रुग्णवाहिका घरापर्यंत घेऊन जाता आली नाही. या वयोवृद्ध व्यक्तीला चालत त्या ठिकाणी नेऊन रुग्णवाहिकेत बसवून पुढील उपचारासाठी दवाखान्यात हालवण्यात आले. परंतु सुदैवाने यावेळी कुठलाही अनुचित प्रकार घडला नाही.

याबाबत बारामतीचे तहसीलदार गणेश शिंदे आणि बारामती ग्रामीणचे पोलीस निरीक्षक विजयसिंह चौहान रस्त्यावर खोदकाम करणारे गणेश बबन बोरकर, विनोद बबन बोरकर, योगेश संजय बोरकर, भिवाजी प्रकाश बोरकर यांनी जेसीबी मशीनने रस्त्याची एक बाजू खोदली.

तर दुसऱ्या बाजूला अनिकेत रंगनाथ बोरकर, अमर मंजाबापू बोरकर, रामभाऊ तानाजी बोरकर, विक्रम मंजाबापू बोरकर, मंजाबापू लक्ष्मण बोरकर, आदित्य आजिनाथ बुरुंगले या व्यक्तींनी मा तहसीलदार गणेश शिंदे यांनी रस्ता खुला करण्याचा आदेश देऊनही रस्त्यावर अडवणूक करून मानसिक त्रास देऊन खोट्या केसेसमध्ये अडकवण्याचा प्रयत्न सुरु आहे.

यामुळे माननीय तहसीलदार आणि पोलीस निरीक्षक यांनी तातडीने स्पॉटची पाहणी करून रस्ता अडवणाऱ्या व्यक्तींवर प्रतीकात्मक कारवाई करावी आणि रस्त्याच्या दोन्ही बाजूला अतिक्रमण केलं आहे ते काढण्यात यावे, अन्यथा 13 जुलैला आत्मदहनाचा इशारा वयोवृद्ध धनाजी बोरकर यांनी कुटुंबासहित दिला. यामुळे आता बारामतीचे तहसीलदार आणि पोलीस खाते काय भूमिका घेणार याकडे सर्वांचे लक्ष लागले आहे.