Bangladesh violence: Mohammad Yunus called PM Modi – बांगलादेशात शेख हसीना यांचे सरकार उलथून टाकल्यानंतर हिंसाचाराच्या घटना सुरूच आहे. देशात हिंदू अल्पसंख्याकांना उग्रपणे लक्ष्य केले जात आहे, त्यावर जगभरातून प्रतिक्रिया येत आहेत. स्वातंत्र्यदिनी लाल किल्ल्यावरून पंतप्रधान मोदींनी बांगलादेशातील परिस्थितीचा उल्लेखही केला होता. आता बांगलादेशच्या अंतरिम सरकारचे प्रमुख मोहम्मद युनूस यांनी पंतप्रधान मोदींना फोन केला आहे. खुद्द पीएम मोदींनी ही माहिती दिली आहे.

दोन्ही नेत्यांमध्ये काय संभाषण झाले?

प्रोफेसर मुहम्मद युनूस यांचा फोन आल्याची माहिती पंतप्रधान नरेंद्र मोदी यांनी दिली आहे. दोन्ही नेत्यांनी बांगलादेशातील सध्याच्या परिस्थितीवर विचार विनिमय केला. भारताने लोकशाही, स्थिर, शांततापूर्ण आणि प्रगतीशील बांगलादेशासाठी भारताच्या समर्थनाचा पुनरुच्चार केला. मोहम्मद युनूस यांनी बांगलादेशातील हिंदू आणि सर्व अल्पसंख्याकांच्या सुरक्षेचे आश्वासन दिल्याचे पीएम मोदींनी सांगितले आहे.

Received a telephone call from Professor Muhammad Yunus, @ChiefAdviserGoB. Exchanged views on the prevailing situation. Reiterated India’s support for a democratic, stable, peaceful and progressive Bangladesh. He assured protection, safety and security of Hindus and all…

— Narendra Modi (@narendramodi) August 16, 2024

लाल किल्ल्यावरून काय म्हणाले पीएम मोदी?

भारताच्या 78 व्या स्वातंत्र्यदिनानिमित्त पंतप्रधान मोदींनी लाल किल्ल्यावरून बांगलादेशचा उल्लेख केला होता. हिंसाचारग्रस्त बांगलादेशातील परिस्थिती लवकरच सामान्य होईल, अशी आशा पंतप्रधान मोदींनी व्यक्त केली होती. शेजारील देशातील हिंदू आणि अल्पसंख्याकांच्या सुरक्षेबाबत 140 कोटी भारतीय चिंतेत असल्याचे ते म्हणाले होते. लाल किल्ल्यावरून आपल्या भाषणात ते म्हणाले की भारत शांततेसाठी वचनबद्ध आहे आणि बांगलादेशच्या विकासाच्या प्रवासात त्याचा शुभचिंतक राहील.

पंतप्रधानांनी युनूस यांना आधीच केले होते आवाहन –

बांगलादेशातील शेख हसीना यांच्या नेतृत्वाखालील सरकार उलथून टाकल्यानंतर आणि शेख हसीना यांच्या भारत दौऱ्यानंतर मोहम्मद युनूस यांनी 8 ऑगस्ट रोजी अंतरिम सरकारचे मुख्य सल्लागार म्हणून शपथ घेतली. युनूस यांनी पदभार स्वीकारल्यानंतर, पंतप्रधान मोदींनी त्यांचे अभिनंदन केले आणि बांगलादेशातील हिंदू आणि इतर अल्पसंख्याक समुदायांची सुरक्षा सुनिश्चित करण्याचे आवाहन केले.